ନୂଆଦିଲ୍ଲୀ: ଭାରତୀୟ ଟିମର ଶ୍ରୀଲଙ୍କା ବିପକ୍ଷ 6ଟିକିଆ ସୀମିତ ଓଭର ସିରିଜ ଜୁଲାଇ 18ରୁ ଆରମ୍ଭ ହେବ । ଏନେଇ ଶନିବାର ସ୍ପଷ୍ଟ କରିଛନ୍ତି, ବିସିସିଆଇ ସମ୍ପାଦକ ଜୟ ଶାହା । ଶ୍ରୀଲଙ୍କା କ୍ୟାମ୍ପରେ COVID-19 ସଂକ୍ରମଣ ମାମଲା ବଢିବା ଯୋଗୁଁ ସିରିଜ ଘୁଞ୍ଚିଛି ।
ପୂର୍ବରୁ ଜୁଲାଇ 13ରୁ 3 ମ୍ୟାଚ ବିଶିଷ୍ଟ ଦିନିକିଆ ସିରିଜ ଆରମ୍ଭ ହେବାନେଇ ସୂଚୀ ରହିଥିଲା । ତେବେ ଘରୋଇ ଦଳର ବ୍ୟାଟିଂ କୋଚ୍ ଗ୍ରାଣ୍ଟ ଫ୍ଲାୱର ଓ ଡାଟା ଆନାଲିଷ୍ଟ ଜିଟି ନିରୋସାନ ପଜିଟିଭ ଚିହ୍ନଟ ହେବାପରେ ସୂଚୀରେ ପରିବର୍ତ୍ତନ ହୋଇଛି । ନିକଟରେ ଶ୍ରୀଲଙ୍କା ଟିମ ଇଂଲଣ୍ଡ ଗସ୍ତ ଶେଷକରି ଫେରିଛି । ଫଳରେ ଶ୍ରୀଲଙ୍କା ଖେଳାଳିଙ୍କ କ୍ବାରେଣ୍ଟିନ ଅବଧି ବୃଦ୍ଧି ପାଇଛି ।