କେପ ଟାଉନ:ଘରୋଇ ଦକ୍ଷିଣ ଆଫ୍ରିକା ଓ ଭାରତ ମଧ୍ୟରେ ଆଜି(ରବିବାର) ଖେଳାଯିବ ତୃତୀୟ ତଥା ଅନ୍ତିମ ଦିନିକିଆ ମ୍ୟାଚ । ୩ ମ୍ୟାଚ୍ ବିଶିଷ୍ଟ ଦିନିକିଆ ସିରିଜକୁ ୨-୦ରେ ଆଗୁଆ ଜିତିନେଇଛି ଦକ୍ଷିଣ ଆଫ୍ରିକା । ଆଜି କ୍ଲିନ ସୁଇପ ଲକ୍ଷ୍ୟରେ ପଡିଆକୁ ଓହ୍ଲାଇବ ଦଳ । ସେହିପରି ସିରିଜ ହାତଛଡା କରି ସାରିଥିବା ଟିମ ଇଣ୍ଡିଆ ଆଜି ବିଜୟ ସହ ସମ୍ମାନ ବଞ୍ଚାଇବାକୁ ପ୍ରୟାସ କରିବ ।
ପ୍ରଥମ ୨ଟି ଦିନିକିଆକୁ କବଜା କରି ନେଇଛି ଦକ୍ଷିଣ ଆଫ୍ରିକା । ୨ଟି ଯାକ ମ୍ୟାଚରେ ସବୁ ବିଭାଗରେ ଭାରତ ବିଫଳ ହୋଇଥିଲା । ବ୍ୟାଟିଂ ବୋଲିଂ ବ୍ୟତୀତ ନେତୃତ୍ବରେ ମଧ୍ୟ ବିଫଳତା ଦେଖିବାକୁ ମିଳିଥିଲା । ପ୍ରଥମ ଦୁଇ ମ୍ୟାଚର ଫଳାଫଳକୁ ଦେଖିଲେ ଆଜିର ମ୍ୟାଚରେ ଘରୋଇ ଦଳର ପଲା ଭାରି ପଡିପାରେ ।
ତେବେ ଆଜି ଯାହା ବି ହେଲେ ଟିମ ଇଣ୍ଡିଆକୁ ମ୍ୟାଚ ଜିତିବାକୁ ହେବେ କାରଣ ଏହା ସମ୍ମାନର ଲଢେଇ । ମ୍ୟାଚକୁ ନିଜର କରିବାକୁ ହେଲେ ଭାରତକୁ ଅନେକ ତ୍ରୁଟି ସୁଧାରିବାକୁ ପଡିବ । ଯୁବ ଖେଳାଳିଙ୍କୁ କିଛି ଚମତ୍କାର କରିବାକୁ ପଡିବ ।