ରାଜକୋଟ: ପ୍ରଥମେ ବ୍ୟାଟିଂ କରିବ ଭାରତ । ଭାରତ ଶ୍ରୀଲଙ୍କା ମଧ୍ୟରେ ଆଜି ତୃତୀୟ ଟି୨୦ ମ୍ୟାଚ ଖେଳାଯାଉଛି । ଭାରତ ଟସ ଜିତି ଅଧିନାୟକ ହାର୍ଦ୍ଦିକ ପାଣ୍ଡ୍ୟା ପ୍ରଥମେ ବ୍ୟାଟିଂ ନିଷ୍ପତ୍ତି ନେଇଛନ୍ତି । ଫଳରେ ପ୍ରଥମେ ବୋଲିଂ କରିବ ଶ୍ରୀଲଙ୍କା । ଏହି ତିନି ଟିକିଆ ଟି୨୦ ସିରିଜରେ ଉଭୟ ଦଳ ଗୋଟିଏ ଗୋଟିଏ ମ୍ୟାଚ ଜିତିଛନ୍ତି । ତେଣୁ ଆଜିର ତୃତୀୟ ଟି୨୦ ମ୍ୟାଚରେ ଭାରତ ଓ ଶ୍ରୀଲଙ୍କା ମଧ୍ୟରେ କଡା ଟକ୍କର ଦେଖିବାକୁ ମିଳିବ । ଉଭୟ ଦଳ ସିରିଜ ଜିତିବା ଲକ୍ଷ୍ୟରେ ମଇଦାନକୁ ଓହ୍ଲାଇବେ ।
ଭାରତୀୟ ଦଳରେ କୌଣସି ପରିବର୍ତ୍ତନ କରାଯାଇନାହିଁ । ତୃତୀୟ ଟି୨୦ ମ୍ୟାଚ ବାବଦରେ ଅଧିନାୟକ ହାର୍ଦ୍ଦିକ ପାଣ୍ଡ୍ୟା କହିଛନ୍ତି ଏହା ଭଲ ପିଚ । ଦଳ ଦ୍ବିତୀୟ ଟି୨୦ ମ୍ୟାଚରେ ଦଳ ଭଲ ଖେଳିନଥିଲା । ପୁରୁଣା ଭୁଲକୁ ସୁଧାରି ମଇଦାନକୁ ଓହ୍ଲାଇବ ଭାରତ । ଶ୍ରୀଲଙ୍କା ପୂର୍ବ ମ୍ୟାଚରେ ବିଜୟୀ ହୋଇଥିବାରୁ ମନୋବଳ ଦୃଢ ରହିଛି । ଉଭୟ ବ୍ୟାଟି ଓ ବୋଲିଂ କ୍ଷେତ୍ରରେ ନିଜକୁ ଜୋରଦାର ପ୍ରସ୍ତୁତ କରିଛି ଦଳ । ସେହିପରି ଆଜି ଶେଷ ମ୍ୟାଚ ଥିବାରୁ ଭାରତୀୟ ଦଳର ମନୋବଳ ମଧ୍ୟ ଦୃଢ ରହିଛି । ଦ୍ବିତୀୟ ମ୍ୟାଚରେ ହାରିଥିଲେ ସୁଦ୍ଧା ଶ୍ରୀଲଙ୍କାଠୁ ସିରିଜ ଛଡାଇବା ଲକ୍ଷ୍ୟ ରଖିଛି ଭାରତ । ଦଳରେ ଯୁବକ ଖେଳାଳି ଥିଲେ ମଧ୍ୟ ଆଜି ଜିଜାନ ଲଗାଇ ମ୍ୟାଚ ଖେଳିବ ଦଳ ।