କଲମ୍ବୋ: ଦ୍ବିତୀୟ ଟି-୨୦ ମ୍ୟାଚରେ ଶ୍ରୀଲଙ୍କାକୁ ୧୩୩ ରନ ଟାର୍ଗେଟ ଦେଇଛି ଭାରତୀୟ ଦଳ । ଆରମ୍ଭରୁ ହିଁ ଭାରତ ରକ୍ଷଣାତ୍ମକ ବ୍ୟାଟିଂ କରିଥିଲା । ଯାହା ଫଳରେ ଭାରତ ବଡ଼ ସ୍କୋର କରିବାରେ ବିଫଳ ରହିଥିଲା । ସେପଟେ ଶ୍ରୀଲଙ୍କା ଦଳ ବୋଲର ମଧ୍ୟ ସଠିକ ଲାଇନ ଓ ଲେନ୍ଥରେ ବୋଲିଂ କରିଥିଲେ, ଯାହା ଫଳରେ ଭାରତୀୟ ବ୍ୟାଟ୍ସମ୍ୟାନ ବଡ଼ ସଟ୍ ଖେଳିବାରେ ବିଫଳ ରହିଥିଲେ ।
ଶ୍ରୀଲଙ୍କା ଦଳ ପ୍ରଥମେ ଟସ୍ ଜିତି ଭାରତୀୟ ଦଳକୁ ବ୍ୟାଟିଂ ପାଇଁ ଆମନ୍ତ୍ରଣ କରିଥିଲା । ୭ ଓଭରରେ ଦଳୀୟ ସ୍କୋର ୪୯ ରନ ହୋଇଥିବା ବେଳେ ଭାରତ ତାର ପ୍ରଥମ ୱିକେଟ ହରାଇଥିଲା । ପୃ୍ଥ୍ବୀ ଶ' ମାତ୍ର ୨୧ ରନ୍ କରି ପାଭେଲିୟନକ ଫେରିଥିଲେ । ଏହାପରେ ଦେବଦତ୍ତ ପାଦ୍ଦିକଲ ଓ ଶିଖର ଧାୱନଙ୍କ ମଧ୍ୟରେ ମାତ୍ର ୩୨ ରନ ଭାଗିଦାରୀ ହୋଇଥିଲା । ୮୧ ରନରେ ଭାରତର ଦ୍ବିତୀୟ ୱିକେଟ ହରାଇଥିଲା । ଅଧିନାୟକ ଶିଖର ଧାୱନ ୪୦ ରନ କରି ଆଉଟ ହୋଇଥିଲେ । ଏହାପରେ କୌଣସି ବ୍ୟାଟ୍ସମ୍ୟାନ ବଡ଼ ସ୍କୋର ଓ ବଡ଼ ସଟ ଖେଳିବାରେ ସଫଳ ହୋଇ ପାରିନଥିଲେ ।