ହାଇଦ୍ରାବାଦ: ଇଂଲଣ୍ଡର ଦମଦାର ବିଜୟ ସହ ଭାରତ-ଇଂଲଣ୍ଡ ଟେଷ୍ଟ୍ ସିରିଜ 2-2ରେ ବରାବର । ଏଜବେଷ୍ଟନରେ ଖେଳାଯାଇଥିବା 5ମ ଟେଷ୍ଟ ମ୍ୟାଚରେ ରେକର୍ଡ ରନ୍ ଚେସ୍ କରିଛି ଇଂଲଣ୍ଡ । 4ର୍ଥ ଇନିଂସରେ ଭାରତ ବିପକ୍ଷରେ 378 ରନ ଟାର୍ଗେଟକୁ ପିଛା କରିଛି ବେନ୍ ଷ୍ଟୋକ୍ସଙ୍କ ଟିମ୍ । ଫଳରେ ଭାରତଠୁ ମ୍ୟାଚ ହାତେଇ ଇଂଲଣ୍ଡ ସିରିଜକୁ ଡ୍ର ରିଖିଛି । ପଞ୍ଚମ ଟେଷ୍ଟରେ ଭାରତକୁ 7 ୱିକେଟରେ ହରାଇ ଇଂଲଣ୍ଡ ସିରିଜ ଡ୍ର ରଖିବାରେ ସକ୍ଷମ ହୋଇଛି । ତେବେ ସିରିଜରେ ଦମଦାର ପ୍ରଦର୍ଶନ ପାଇଁ ବୁମରାଙ୍କୁ ମ୍ୟାନ ଅଫ୍ ସିରିଜ ଭାବେ ବିବେଚନା କରାଯାଇଛି ।
ପ୍ରଥମ ଇଂନିସରେ ଭାରତ 416ରନ କରି ଅଲଆଉଟ ହୋଇଥିଲା । ଭାରତ ପକ୍ଷରୁ ଅଲରାଉଣ୍ଡର ରବୀନ୍ଦ୍ର ଜାଡେଜା ଓ ୱିକେଟ କିପର ରିଷଭ ପନ୍ତ ଶତକ ହାସଲ କରିଥିଲେ । ଓପନର ଶୁଭମନ ଗିଲ 17, ଚେତେଶ୍ବର ପୂଜାରା 13, ହନୁମା ବିହାରୀ 20, ବିରାଟ କୋହଲି 11, ରିଷଭ ପନ୍ତ 146, ଶେୟାସ ଆୟାର15, ରବିନ୍ଦ୍ର ଜାଡେଜା 104, ଶାର୍ଦୁଲ ଠାକୁର 1, ମହମ୍ମଦ ସାମୀ 16, ଅଧିନାୟକ ଜଶପ୍ରିତ ବୁମରା 31, ମହମ୍ମଦ ସିରାଜ 2 ରନ କରିଥିଲେ ସେହିପରି ଇଂଲଣ୍ଡ ପକ୍ଷରୁ ଜେମ୍ସ ଆଣ୍ଡରସନ ସର୍ବାଧିକ 5 ୱିକେଟ ହାସଲ କରିଥିଲେ । ମ୍ୟାଟି ପୋଟ୍ସ 2 ଟି, ଷ୍ଟୁଆର୍ଟ ବ୍ରୋଡ, ଜୋ ରୁଟ , ଅଧିନାୟକ ଷ୍ଟୋକ୍ସ ଗୋଟିଏ ଲେଖାଏଁ ୱିକେଟ ହାସଲ କରିଥିଲେ ।
ଦ୍ବିତୀୟ ଇନିଂସରେ ଭାରତ 245 ରନ କରି ଅଲ ଆଉଟ ହୋଇଥିଲା । ଦ୍ବିତୀୟ ଇନିଂସରେ ଭାରତର ବ୍ୟାଟିଂ ଫେଲ ମାରିଥିଲା । ପୁଣି ବ୍ୟାଟିଂରେ ବିଫଳ ହୋଇଥିଲେ ଓପନର ଶୁଭମନ ଗିଲ । ଶୁଭମନ ଗିଲ 4, ଚେତେଶ୍ବର ପୂଜାରା 66, ହନୁମା ବିହାରୀ 11, ବିରାଟ କୋହଲି 20, ରିଷଭ ପନ୍ତ 57, ଶେୟାସ ଆୟର 19, ରବିନ୍ଦ୍ର ଜାଡେଜା 23, ଶାର୍ଦୁଲ ଠାକୁର 4, ମହମ୍ମଦ ସାମି 13, ଅଧିନାୟକ ଜଶପ୍ରିତ ବୁମରା 7, ମହମ୍ମଦ ସିରାଜ 2 ରନ କରିଥିଲେ । ଇଂଲଣ୍ଡ ପକ୍ଷରୁ ଅଧିନାୟକ ଷ୍ଟୋକ୍ସ ସର୍ବାଧିକ 4ଟି ୱିକେଟ ହାତେଇ ଥିଲେ । ଷ୍ଟୁଆର୍ଟ ବ୍ରୋଡ ଓ ମ୍ୟାଟି ପୋଟ୍ସ 2 ଟି ଲେଖାଏଁ ୱିକେଟ ହାସଲ କରିଥିଲେ । ଜେମ୍ସ ଆଣ୍ଡରସନ, ଜ୍ୟାକ ଲିଚ ଗୋଟିଏ ଲେଖାଏଁ ୱିକେଟ ହାସଲ କରିଥିଲେ ।
ସେହିପରି ପ୍ରଥମ ଇଂନିସରେ ଇଂଲଣ୍ଡ 284 ରନ କରି ଅଲ ଆଉଟ ହୋଇଥିଲା । ଇଂଲଣ୍ଡ ପକ୍ଷରୁ ଜନି ବେୟାରଷ୍ଟୋ ଶତକ ମାରିଥିଲେ । ପ୍ରଥମ ଇନିଂସରେ ଭାରତୀୟ ବୋଲରଙ୍କ ବିସ୍ଫୋରକ ବୋଲିଂରେ ଇଂଲଣ୍ଡ ଧରାଶାୟୀ ହୋଇଥିଲା । ଯାହା ଫଳରେ ଭାରତ ପ୍ରଥମ ଇନିଂସରେ ମ୍ୟାଚକୁ ନିଜ ନିୟନ୍ତ୍ରଣରେ ରଖି ପାରିଥିଲା । ଆଲେକ୍ସ ଲିସ 6, ଜ୍ୟାକ କ୍ରାଉଲି 9, ଅଲି ପୋପ 10, ଜୋ ରୁଟ 31, ଜନି ବେୟାରଷ୍ଟୋ 106, ଜ୍ୟାକ ଲିଚ 0, ଅଧିନାୟକ ଷ୍ଟୋକ୍ସ 25, ବିଲିଙ୍ଗ୍ସ 36, ବ୍ରୋଡ 1, ମ୍ୟାଟି ପୋଟ୍ସ 19, ଜେମ୍ସ ଆଣ୍ଡରସନ 6 ରନ କରି ଅଲ ଆଉଟ ହୋଇଥିଲେ । ଭାରତ ପକ୍ଷରୁ ମହମ୍ମଦ ସିରାଜ ସର୍ବାଧିକ 4 ଟି ୱିକେଟ ନେଇଥିଲେ । ମହମ୍ମଦ ସାମି 2 ଟି , ଶାର୍ଦୁଲ ଠାକର 1, ଅଧିନାୟକ ବୁମରା 3 ଟି ୱିକେଟ ନେଇଥିଲେ ।