ବେଙ୍ଗାଲୁରୁ:ପିଙ୍କ୍ ବଲ ଟେଷ୍ଟ ପୁଣି ଟିମ ଇଣ୍ଡିଆ ପାଇଁ ବରଦାନ ସାବ୍ୟସ୍ତ ହୋଇଛି । ବେଙ୍ଗାଲୁରୁର ଚିନ୍ନାସ୍ବାମୀ ଷ୍ଟାଡିୟମରେ ଖେଳାଯାଇଥିବା ଦିବାରାତ୍ର ଟେଷ୍ଟକୁ ୨୩୮ ରନ୍ରେ ଜିତିନେଇଛି ଟିମ ଇଣ୍ଡିଆ । ଫଳରେ ଶ୍ରୀଲଙ୍କା ବିପକ୍ଷ ଦୁଇ ମ୍ୟାଚ୍ ବିଶିଷ୍ଟ ଟେଷ୍ଟ ସିରିଜକୁ ୨-୦ରେ କ୍ଳିନ ସୁଇପ କରିଛି ଭାରତ । ଘରୋଇ ମାଟିରେ ପୂର୍ବରୁ ଖେଳିଥିବା ଦୁଇଟି ପିଙ୍କ୍ ବଲ୍ ଟେଷ୍ଟରେ ତିନିଦିନ ମଧ୍ୟରେ ବିଜୟୀ ହୋଇଥିଲା ଭାରତୀୟ ଟିମ । ବେଙ୍ଗାଲୁରୁରେ ଏହି ରେକର୍ଡ ମଧ୍ୟ ବଜାୟ ରଖିଛି ରୋହିତ ବାହିନୀ । ଏଥିସହ ଗୁରୁତ୍ବପୂର୍ଣ୍ଣ ୱାର୍ଲ୍ଡ ଟେଷ୍ଟ ଚାମ୍ପିୟନସିପ(WTC) ୧୨ ପଏଣ୍ଟ ହାସଲ କରିଛି ।
ଏହାମଧ୍ୟ ପଢନ୍ତୁ: Test Cricket: ଅଶ୍ବିନ ଅଷ୍ଟମ ସର୍ବାଧିକ ଟେଷ୍ଟ ୱିକେଟ ହାସଲକାରୀ ବୋଲର, ଷ୍ଟେନଙ୍କୁ ଟପିଲେ