ଅହମ୍ମଦାବାଦ: ଭାରତ ୱେଷ୍ଟଇଣ୍ଡିଜ ମଧ୍ୟରେ ଦ୍ବିତୀୟ ଦିନିକିଆ ଆରମ୍ଭ ହୋଇଯାଇଛି । ମ୍ୟାଚ ପୂର୍ବରୁ ଟସ ହାରିଛି ଭାରତ । ୱେଷ୍ଟଇଣ୍ଡିଜ ପ୍ରଥମେ ଫିଲ୍ଡିଂ ନିଷ୍ପତ୍ତି ନେଇଛି । ଭାରତର ବ୍ୟାଟିଂ ଆରମ୍ଭ ହୋଇଛି । ଇଷାନଙ୍କ ସ୍ଥାନରେ ଲୋକେଶ ରାହୁଲ ଖେଳୁଛନ୍ତି । ସେପଟେ ଆହତ ପାଇଁ ପୋଲାର୍ଡ ଖେଳୁନାହାନ୍ତି । ତାଙ୍କ ବଦଳରେ ଦଳର ନେତୃତ୍ବ ନେଇଛନ୍ତି ନିକୋଲ୍ସ ପୁରନ ।
ମ୍ୟାଚ୍ରେ ଇଣ୍ଡିଜ ଟିମର ଅଧିନାୟକ କିରନ ପୋଲାର୍ଡ ଖେଳୁନାହାନ୍ତି । ଆହତ ଯୋଗୁଁ ଚୂଡ଼ାନ୍ତ ଏକାଦଶରୁ ବାଦ ପଡ଼ିଛନ୍ତି । ତାଙ୍କ ବଦଳରେ ପୁରନ ଦଳର ଦାୟିତ୍ବ ସମ୍ଭାଳିଛନ୍ତି । ପୋଲାର୍ଡଙ୍କ ସ୍ଥାନରେ ଓଡେନ ସ୍ମିଥ ଆଜି ମୈଦାନକୁ ଓହ୍ଲାଇବେ । ଅନ୍ୟପକ୍ଷରେ ଟିମ୍ ଇଣ୍ଡିଆ ପ୍ରଥମ ଦିନିକିଆ ଜିତିବା ସତ୍ତ୍ବେ ଚୂଡ଼ାନ୍ତ ଏକାଦଶରେ ଗୋଟିଏ ପରିବର୍ତ୍ତନ କରିଛି । ଦଳକୁ ଉପ ଅଧିନାୟକ କେଏଲ ରାହୁଲ ଫେରିଛନ୍ତି ।