ହାଇଦ୍ରାବାଦ: କ୍ରିକେଟ ଦୁନିଆର ପାରମ୍ପରିକ ପ୍ରତିନ୍ଦ୍ବନ୍ଦୀ ଭାରତ ପାକିସ୍ତାନକୁ ମ୍ୟାଚକୁ ନେଇ ଫ୍ୟାନ୍ସଙ୍କ ମଧ୍ୟରେ ଉତ୍ସାହ ଲାଗି ରହିଛି । ଆସନ୍ତା ଅକ୍ଟୋବର 14 ତାରିଖରେ ଅହମ୍ମଦାବାଦର ନରେନ୍ଦ୍ର ମୋଦି ଷ୍ଟାଡିୟମରେ ଭାରତ ପାକିସ୍ତାନ ହାଇଭୋଲ୍ଟେଜ୍ ମ୍ୟାଚ୍ ରହିଛି । ଭାରତ ଦିନିକିଆ ବିଶ୍ବକପରେ ଏଯାବତ ପାକିସ୍ତାନ ବିପକ୍ଷରେ ଅପରାଜେୟ ରହିଛି । ପାକିସ୍ତାନ 50 ଓଭର ବିଶ୍ବକପରେ ଭାରତ ବିପକ୍ଷରେ ଗୋଟିଏ ବି ମ୍ୟାଚ୍ ଜିତିନାହିଁ । ସମସ୍ତ 7ଟି ମ୍ୟାଚରେ ବାଜି ମାରିଛି ଭାରତ । ଅକ୍ଟୋବର 14 ତାରିଖରେ ହେବାକୁ ଥିବା ମ୍ୟାଚରେ ଭାରତ ପାକିସ୍ତାନକୁ ପରାସ୍ତ କରି ପରମ୍ପରା ବଜାୟ ରଖିବାକୁ ଯୋଜନା କରିଛି ।
ଅହମ୍ମଦାବାଦରେ ଦୁଇ ଦଳ ମଧ୍ୟରେ କେବଳ ଗୋଟିଏ ମ୍ୟାଚ ଖେଳାଯାଇଛି । 2005ରେ ଏହି ମୁକାବିଲା ହୋଇଥିଲା । ଏହି ସମୟରେ ପାକିସ୍ତାନ 6ଟି ମ୍ୟାଚ ବିଶିଷ୍ଟ ଦିନିକିଆ ସରିଜି ଖେଳିବାକୁ ଭାରତ ଆସିଥିଲା । ସୌରଭ ଗାଙ୍ଗୁଲିଙ୍କ ନେତୃତ୍ବାଧୀନ ଭାରତ ଏହି ସିରିଜରେ ପରାସ୍ତ ହୋଇଥିଲା । ଏହି ସିରିଜର ଏକ ମ୍ୟାଚରେ ସଚିନ ତେନ୍ଦୁଲକର 130 ବଲରେ 123 ରନ କରିଥିଲେ । ଯେଉଁଥିରେ 12 ଚୌକା ଓ ଗୋଟିଏ ଛକା ଥିଲା । ସୌରଭ ଗାଙ୍ଗୁଲି 60 ବଲରେ 47 ରନ କରିଥିଲେ । ଯୁବରାଜ ସିଂହ 35 ରନ କରିଥିଲେ । ଦଳୀୟ ସ୍କୋର 315 ହୋଇଥିଲା । ପାକିସ୍ତାନ 48 ଓଭରରେ ଏହି ଟାର୍ଗେଟ ହାସଲ କରିଥିଲା । ପାକିସ୍ତାନ ଏହି ମ୍ୟାଚ ଜିତି 2-2ରେ ସିରିଜ ବରାବର କରିଥିଲା । ସିରିଜ ଶେଷରେ ପାକିସ୍ତାନ 4-2ରେ ଜିତିଥିଲା । ମାତ୍ର ବିଶ୍ବକପ ମ୍ୟାଚରେ ଭାରତ ବିପକ୍ଷରେ ଗୋଟିଏ ବି ବିଜୟ ହାସଲ କରିନାହିଁ ।
ଏହା ବି ପଢନ୍ତୁ...Cricket World Cup 2023: ଭାରତ-ପାକିସ୍ତାନ ମ୍ୟାଚ ପାଇଁ ହୋଟେଲ ଭଡା ଆକାଶ ଛୁଆଁ
50 ଓଭର ଫର୍ମାଟରେ ପାକିସ୍ତାନ ବିପକ୍ଷରେ ଭାରତ 100 ପ୍ରତିଶତ ସଫଳ ଦଳ ସାବ୍ୟସ୍ତ ହୋଇଛି । ବିଶ୍ବକପରେ ପାକିସ୍ତାନ ବିପକ୍ଷରେ ଖେଳିଥିବା ମୋଟ 7ଟି ମ୍ୟାଚ୍ରେ ବିଜୟ ହାସଲ କରିଛି । ନଜର ପକାନ୍ତୁ ସେହି ମ୍ୟାଚ ଉପରେ...
1. 1992ରେ ପାକିସ୍ତାନ ବିପକ୍ଷରେ ସିଡନୀରେ ପ୍ରଥମ ବିଶ୍ବକପ ମ୍ୟାଚ ଖେଳିଥିଲା । ଏହି ମ୍ୟାଚରେ 43ରନରେ ଜିତିଥିବା ଟିମ୍ ଇଣ୍ଡିଆ ।
2. 1996ରେ ବେଙ୍ଗାଲୁରୁରେ ଖେଳାଯାଇଥିବା ବିଶ୍ବକପ ସେମିଫାଇନାଲରେ ଭାରତ 39ରନ ଐତିହାସିକ ବିଜୟ ହାସଲ କରିଥିଲା ।