ହାଇଦ୍ରାବାଦ: ଆଜି ଅଷ୍ଟ୍ରେଲିଆ ବିପକ୍ଷରେ ତୃତୀୟ ତଥା ଶେଷ ଟି୨୦ ମ୍ୟାଚ ଖେଳୁଛି ଭାରତ । ଏହି ମ୍ୟାଚ୍ରେ ଟସ୍ ଜିତି ଭାରତର ଅଧିନାୟକ ରୋହିତ ଶର୍ମା ପ୍ରଥମେ ବୋଲିଂ ନିଷ୍ପତ୍ତି ନେଇଛନ୍ତି । ଫଳରେ ପ୍ରଥମେ ବ୍ୟାଟିଂ କରିବ ଅଷ୍ଟ୍ରେଲିଆ ।
ଆଜିର ମ୍ୟାଚରେ ଗୋଟିଏ ପରିବର୍ତ୍ତନ କରାଯାଇଛି । ଭୁବନେଶ୍ବର କୁମାରଙ୍କୁ ଚୂଡାନ୍ତ ଏକାଦଶରେ ସ୍ଥାନ ଦିଆଯାଇଛି । ଋଷଭ ପନ୍ତଙ୍କୁ ଆଜିର ମ୍ୟାଚ ପାଇଁ ବିଶ୍ରାମ ଦିଆଯାଇଛି । ବର୍ତ୍ତମାନ ସିରିଜ ୧-୧ ରେ ବରାବର ରହିଛି । ଶେଷ ମ୍ୟାଚ୍ ଜିତି ସିରିଜ କବ୍ଜା କରିବାକୁ ଉଭୟ ଦଳ ଚେଷ୍ଟା କରିବେ ।
ପ୍ରଥମ ମ୍ୟାଚ୍ରେ ଅଷ୍ଟ୍ରେଲିଆ ଭାରତକୁ ୪ ୱିକେଟରେ ପରାଜିତ କରିଥିବା ବେଳେ ଦ୍ବିତୀୟ ମ୍ୟାଚ୍ରେ ଭାରତ ଅଷ୍ଟ୍ରେଲିଆକୁ ୬ ୱିକେଟରେ ପରାଜିତ ହୋଇଥିଲା । ବର୍ଷା ଯୋଗୁଁ ଦ୍ବିତୀୟ ଟି-୨୦ ମ୍ୟାଚ୍କୁ ୮ ଓଭରକୁ କମାଇ ଦିଆଯାଇଥିଲା । ଏହି ମ୍ୟାଚ୍ରେ ଅଧିନାୟକ ରୋହିତ ଶର୍ମା ଦମଦାର୍ ପାଳି ଖେଳିଥିଲେ ।