ଅହମ୍ମଦାବାଦ: ଆଇସିସି ଦିନିକିଆ ବିଶ୍ବକପ୍ ୨୦୨୩ରେ ଶନିବାର ଖେଳାଯାଇଥିବା ହାଇପ୍ରୋଫାଇଲ୍ ମ୍ୟାଚ୍ରେ ପାକିସ୍ତାନକୁ ୭ ୱିକେଟ୍ରେ ହରାଇ ବିଜୟଧାରା ଜାରି ରଖିଛି ଭାରତ । ଏହି ମ୍ୟାଚରେ ପ୍ରଥମେ ବ୍ୟାଟିଂ କରି ବାବର ଆଜମଙ୍କ ପାକିସ୍ତାନ କେବଳ ୧୯୧ ରନରେ ଅଲ୍ଆଉଟ୍ ହୋଇଯାଇଥିଲା । ଭାରତୀୟ ବୋଲିଂ ଆଟାକ୍ର ସାମ୍ନା କରିବା ବାବର ବାହିନୀକୁ ଏତେ ସହଜ ହୋଇନଥିଲା । ଜବାବରେ ଭାରତୀୟ ଅଧିନାୟକ ରୋହିତ ଶର୍ମାଙ୍କ ୮୬ ରନ୍ର ବିସ୍ଫୋରକ ଇନିଂସ ବଳରେ ପାକିସ୍ତାନକୁ ବିଶ୍ବକପ୍ ଇତିହାସରେ ଅଷ୍ଟମ ଥର ପାଇଁ ପରାସ୍ତ କରିଥିଲା ଭାରତ । କିନ୍ତୁ ମ୍ୟାଚ୍ ପରେ ପାକିସ୍ତାନୀ ଅଧିନାୟକ ବାବର ଆଜମ କିଙ୍ଗ୍ କୋହଲିଙ୍କ ପ୍ରଶଂସକ ଭାବରେ ଦେଖିବାକୁ ମିଳିଥିଲେ ।
ଏହା ମଧ୍ୟ ପଢ଼ନ୍ତୁ...World Cup 2023: ବିଳି ବିଳଉଛନ୍ତି ମିକି ଆର୍ଥର, କହିଲେ ଏହା ICC ନୁହେଁ BCCI ଇଭେଣ୍
ପ୍ରତି ମ୍ୟାଚ୍ ଭଳି ଗତକାଲି ମ୍ୟାଚ୍ ହାରିଯିବା ପରେ ବିରାଟ କୋହଲିଙ୍କ ନିକଟରୁ ବାବର କିଛି ଟିପ୍ସ ନେଉଥିବା ଦେଖିବାକୁ ମିଳିଥିଲା । ଏହି ସମୟରେ ବିରାଟଙ୍କ ଏକ ଜର୍ସିରେ ବିରାଟଙ୍କର ଅଟୋଗ୍ରାଫ୍ ନେଇଥିଲେ ବାବର । ଏହି ସମୟର ଭିଡିଓ ସୋସିଆଲ ମିଡିଆରେ ଖୁବ ଭାଇରାଲ ହେଉଛି । ଭିଡିଓରେ ଦେଖିବାକୁ ମିଳୁଛି, ବାବର ଆଜମ ଏବଂ ବିରାଟ କୋହଲି ପଡ଼ିଆ ଭିତରେ ଏକାଠି ଛିଡ଼ା ହୋଇଛନ୍ତି । ଏହି ସମୟରେ କୋହଲି ବାବରଙ୍କୁ ନିଜ ଇଣ୍ଡିଆ ଜର୍ସିରେ ଏକ ଅଟୋଗ୍ରାଫ୍ ଦେଇଥିଲେ । ଏହି ଭିଡିଓରେ ପ୍ରଶଂସକଙ୍କ ଠାରୁ ବିଭିନ୍ନ ପ୍ରକାରର ପ୍ରତିକ୍ରିୟା ଦେଖିବାକୁ ମିଳିଛି । କେହି କେହି ବିରାଟଙ୍କ ସହ ବାବରଙ୍କୁ ଏଥିପାଇଁ ପ୍ରଶଂସା କରିଥିବାବେଳେ ଅନେକ ବାବରଙ୍କୁ ଟ୍ରୋଲ ମଧ୍ୟ କରୁଛନ୍ତି ।