ନୂଆଦିଲ୍ଲୀ: ଆଇସିସି କ୍ରିକେଟ ବିଶ୍ବକପ ପାଇଁ ସମୟ ପାଖଉଛି । ଅକ୍ଟୋବର 5 ତାରିଖରୁ ଆଇସିସି ଦିନିକିଆ ବିଶ୍ବକପ ଆରମ୍ଭ ହେବ । ଏ ନେଇ ଆଜିଠୁ ଟିକେଟ ବିକ୍ରି ଆରମ୍ଭ ହେବ । ଭାରତର 3ଟି ଭେନ୍ୟୁରେ ହେବାକୁ ଥିବା ମ୍ୟାଚ ପାଇଁ ଆଜି ଟିକେଟ ବିକ୍ରି ହେବ । ଚେନ୍ନାଇ, ଦିଲ୍ଲୀ ଓ ପୁଣେରେ ହେବାକୁ ଥିବା ଭାରତର ମ୍ୟାଚ ପାଇଁ ଟିକେଟ କିଣିପାରିବେ କ୍ରିକେଟପ୍ରେମୀ । 3 ମ୍ୟାଚର ଅନଲାଇନରେ ଟିକେଟ୍ ବିକ୍ରି ନେଇ ଆଇସିସି ପକ୍ଷରୁ ସୂଚନା ମିଳିଛି । ଆଇସିସିର ଅଫିସିଆଲ ୱେବସାଇଟ ଟିକେଟ୍ସ.କ୍ରିକେଟୱାର୍ଲ୍ଡକପ.କମରେ ଟିକେଟ ରାତି 8ଟାରୁ ଉପଲବ୍ଧ ହେବ ।
ସେପ୍ଟେମ୍ବର 1, 2, ଓ 3ତାରିଖରେ ଭାରତ ଅନ୍ୟ ମ୍ୟାଚର ଟିକେଟ ମିଳିବ । ସେପ୍ଟେମ୍ବର 15 ତାରିଖରେ ସେମି ଫାଇନାଲ ଓ ଫାଇନାଲ ପାଇଁ ଟିକେଟ ବିକ୍ରି ହେବ । ଅକ୍ଟୋବର 5ରୁ ବିଶ୍ବକପ ଆରମ୍ଭ ହୋଇ ନଭେମ୍ବର 19 ତାରିଖରେ ଶେଷ ହେବ । ଆଜି ଭାରତର 3ଟି ଭେନ୍ୟୁରେ ହେବାକୁ ଥିବା ମ୍ୟାଚର ଟିକେଟ ବିକ୍ରି ହେବ । ଚେନ୍ନାଇରେ ଅକ୍ଟୋବର 8 ତାରିଖରେ ଅଷ୍ଟ୍ରେଲିଆ ବିପକ୍ଷରେ ବିଶ୍ବକପ ଅଭିଯାନ ଆରମ୍ଭ କରିବ । ଅକ୍ଟୋବର 11 ତାରିଖରେ ଦିଲ୍ଲୀରେ ଆଫଗାନିସ୍ତାନ ବିପକ୍ଷରେ ଓ 19 ତାରିଖରେ ପୁଣେରେ ବାଂଲାଦେଶ ବିପକ୍ଷରେ ଖେଳିବ ।
ଏହା ବି ପଢନ୍ତୁ...ICC World Cup 2023: ଅକ୍ଟୋବର 5ରୁ ଆରମ୍ଭ ହେବ ବିଶ୍ବକପ, 14ରେ ଭାରତ-ପାକ୍ ଫାଇଟ୍