ନୂଆଦିଲ୍ଲୀ: ଆଇସିସି ଦିନିକିଆ ବିଶ୍ବକପ ପାଇଁ ପ୍ରସ୍ତୁତି ଆରମ୍ଭ ହୋଇଛି । ଏହାରି ଭିତରେ ବିଶ୍ବକପ 2023 ପାଇଁ ଲୋଗୋ ଜାରି କହିଛି ଆଇସିସି । 2011 ଏପ୍ରିଲ 2ତାରିଖରେ ଶ୍ରୀଲଙ୍କାକୁ 6 ୱିକେଟରେ ପରାସ୍ତ କରି 28 ବର୍ଷ ପରେ ବିଶ୍ବ ବିଜୟୀ ହୋଇଥିଲା । ଏହି ଅବସରରେ ଅନ୍ତର୍ଜାତୀୟ କ୍ରିକେଟ କାଉନସିଲ ବିଶ୍ବକପ 2023 ପାଇଁ ଲୋଗୋ ଜାରି କରିଛି । ବିଶ୍ବକପ 13 ତମ ସଂସ୍କରଣ ଭାରତରେ ଖେଳାଯିବ । 5 ଅକ୍ଟୋବରରେ ଟୁର୍ଣ୍ଣାମେଣ୍ଟର ପ୍ରଥମ ମ୍ୟାଚ ଖେଳାଯିବ ।
ରବିବାର ଆଇସିସି ତାର ଟ୍ବିଟର ଆକାଉଣ୍ଟରେ ଦିନିକିଆ ବିଶ୍ବକପ ଲୋଗା ଜାରି କରିଛି । ଲୋଗୋରେ ବିଶ୍ବକପ ଚିତ୍ର ରହିଥିବା ବେଳେ ଆଇସିସି ପୁରୁଷ କ୍ରିକେଟ ବିଶ୍ବକପ ଭାରତ 2023 ଲେଖା ରହିଛି । ଲେଗୋରେ ଧଳା ଓ ପିଙ୍କ ରଙ୍ଗର ବ୍ୟବହାର ହୋଇଛି । ନବରସ ମଧ୍ୟରୁ ଖୁସି, ସମ୍ମାନ, ଶକ୍ତି, ଗର୍ବ, ସାହାସ, ଗରିମା ଓ ଭାବନା ସାମିଲ ହୋଇଛି । ଯାହା ବିଶ୍ବକପ ସମୟରେ ଦେଖିବାକୁ ମିଳିଥାଏ ।
ଏହି ଅବସରରେ ଭାରତୀୟ ଅଧିନାୟକ ରୋହିତ ଶର୍ମା କହିଛନ୍ତି,'' ଆଇସିସି ପୁରୁଷ କ୍ରିକେଟ ବିଶ୍ବକପ 2023 ପାଇଁ 6 ମାସ ବାକି ରହିଛି । ମାତ୍ର ଏବେଠୁ ଉତ୍ସାହ ଦେଖିବାକୁ ମିଳିଛି । ଘରୋଇ ମାଟିରେ ବିଶ୍ବକପ ଖେଳିବା ପ୍ରତିଟି ଖେଳାଳିର ସ୍ବପ୍ନ ହୋଇଥାଏ । ଭାରତୀୟ ଦଳର ଅଧିନାୟକ ଭାବେ ମୁଁ ବିଶ୍ବକପକୁ ନେଇ ଅଧିକ ଉତ୍ସାହିତ । ଏହା ସମସ୍ତଙ୍କ ପାଇଁ ସ୍ବତନ୍ତ୍ର । ଆମେ ଆମର ଶତ ପ୍ରତିଶତ ଦେବାକୁ ପ୍ରସ୍ତୁତ ।''