ନୂଆଦିଲ୍ଲୀ: ଆଗାମୀ ଶ୍ରୀଲଙ୍କା ଗସ୍ତ ପାଇଁ ଓପନର ଶିଖର ଧାୱନଙ୍କୁ ଭାରତୀୟ ଟିମର ନେତୃତ୍ବ ଭାର ମିଳିଛି । ଏହାପରେ ଧାୱନ ଶୁକ୍ରବାର କହିଛନ୍ତି, ଜାତୀୟ ଟିମର ଅଧିନାୟକ ନିଯୁକ୍ତ ହେବା ସମ୍ମାନର କଥା । ଜୁଲାଇ 13ରୁ ଶ୍ରୀଲଙ୍କା ବିପକ୍ଷରେ କଲମ୍ବୋରେ ଭାରତ 3 ମ୍ୟାଚ୍ ବିଶିଷ୍ଟ ଦିନିକିଆ ସିରିଜ ଓ 3 ଟିକିଆ ଟି-20 ସିରିଜ ଖେଳିବ ।
ବିଶ୍ବ ଟେଷ୍ଟ ଚମ୍ପିଆନସିପ ଫାଇନାଲ ଓ ଇଂଲଣ୍ଡ ବିପକ୍ଷ ଟେଷ୍ଟ ସିରିଜ ପାଇଁ ବିରାଟ କୋହଲିଙ୍କ ନେତୃତ୍ବରେ ମୁଖ୍ୟ ଟିମ ଇଂଲଣ୍ଡ ଗସ୍ତରେ ରହିଛି । ଫଳରେ ଗୁରୁବାର ଚୟନକର୍ତ୍ତା ଶ୍ରୀଲଙ୍କା ଗସ୍ତରେ ଏକାଧିକ ଯୁବ ଚେହେରାଙ୍କୁ ସ୍କ୍ବାଡରେ ସାମିଲ କରିଛନ୍ତି । ଦ୍ରୁତ ବୋଲର ଭୁବନେଶ୍ବର କୁମାରଙ୍କୁ ଉପ-ଅଧିନାୟକ ଦାୟିତ୍ବ ମିଳିଛି ।