ବେଙ୍ଗାଲୁରୁ: ନିଲାମ ଡାକିବା ସମୟରେ ମୁର୍ଚ୍ଛା ହେଲେ ନିଲାମକାରୀ ହ୍ୟୁଜ ଏଡମିଡ୍ଜ । ଇଣ୍ଡିଆନ ପ୍ରିମିୟର ଲିଗ(IPL-2022) ପାଇଁ ନିଲାମୀ ଡାକୁଥିବା ସମୟରେ ମୁର୍ଚ୍ଛା ହୋଇଥିବା ସୂଚନା । କିଛି ସମୟ ପାଇଁ ନିଲାମୀ ପ୍ରକ୍ରିୟା ସ୍ଥଗିତ ।
BCCI ର ଜଣେ ମୁଖପାତ୍ରଙ୍କ କହିବା ଅନୁସାରେ ହ୍ୟୁଜଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି । ତାଙ୍କ ଅବସ୍ଥା ସ୍ଥିର ରହିଛି । ଶ୍ରୀଲଙ୍କା ସ୍ପିନର ୱାନିନ୍ଦୁ ହସରଂଗାଙ୍କ ନିଲାମୀ ଡାକିବା ସମୟରେ ହ୍ୟୁଜ ମୁର୍ଛା ହୋଇ ପଡିଯାଇଥିଲେ । ପୁନର୍ବାର ଆଜି(ଶନିବାର) ୩ ଟା ୩୦ ରେ ନିଲାମୀ ପ୍ରକ୍ରିୟା ଆରମ୍ଭ ହେବ ବୋଲି BCCI ମୁଖପାତ୍ର କହିଛନ୍ତି । ତେବେ Postural Hypotension ବା ବ୍ଲଡ୍ ପ୍ରେସର ଲୋ ହୋଇଯିବା କାରଣରୁ ହ୍ୟୁଜ ଚେତାଶୂନ୍ୟ ହୋଇ ପଡିଯାଇଥିବା ଜଣାପଡିଛି ।