ରାଞ୍ଚି:ଟିମ ଇଣ୍ଡିଆର ପୂର୍ବତନ କ୍ୟାପଟେନ ମହେନ୍ଦ୍ର ସିଂହ ଧୋନିଙ୍କ ପତ୍ନୀ ସାକ୍ଷୀ ସିଂହ ସୋସିଆଲ ମିଡିଆରେ ବେଶ ସକ୍ରିୟ ରୁହନ୍ତି । ମହେନ୍ଦ୍ର ସିଂହ ଧୋନିଙ୍କ ସମ୍ବନ୍ଧୀୟ ସୂଚନା ବ୍ୟତୀତ ଫାର୍ମହାଉସ ସମ୍ବନ୍ଧୀୟ ସୂଚନା ମଧ୍ୟ ଫ୍ୟାନ୍ସଙ୍କ ସହ ସେୟାର କରିଥାନ୍ତି । ଏହି କ୍ରମରେ ବୁଧବାର ସାକ୍ଷୀ ସୋସିଆଲ ମିଡିଆରେ ଏକ ନୂଆ ସୂଚନା ଦେଇଛନ୍ତି ।
ସାକ୍ଷୀ, ଟ୍ବିଟର, ଫେସବୁକ୍ ଓ ଇନଷ୍ଟାଗ୍ରାମ ମାଧ୍ୟମରେ ଘରକୁ ଏକ ଘୋଡା ଆସିଥିବା ସୂଚନା ଦେଇଛନ୍ତି ।
ସାକ୍ଷୀ ଏକ ଘୋଡାର ଭିଡିଓ ମଧ୍ୟ ସେୟାର କରିଛନ୍ତି ଓ ଲେଖିଛନ୍ତି, ''ୱେଲକମ୍ ହୋମ୍ ଚେତକ'' । ଫଳରେ ଏହା ସ୍ପଷ୍ଟ ହୋଇଛି ଯେ, ଧୋନିଙ୍କ ଘରକୁ ନୂଆ ଅତିଥି ଆସିଛନ୍ତି । ଧୋନି ଶୀଘ୍ର ଚେତକ ଉପରେ ବସିବାର ନଜର ଆସିବେ । ସାକ୍ଷୀଙ୍କ ଦ୍ବାରା ସେୟାର କରାଯାଇଥିବା ଏହି ଭିଡିଓରେ ଏକ କୁକୁର ମଧ୍ୟ ଘୋଡା ସହ ଖେଳୁଛି । ଏହି ଭିଡିଓଟିକୁ ଗତ 24 ଘଣ୍ଟା ମଧ୍ୟରେ ଏକଲକ୍ଷରୁ ଅଧିକ ଲୋକେ ଦେଖିସାରିଲେଣି ।
ମହେନ୍ଦ୍ର ସିଂହ ଧୋନି ବାଇକ ସହ କୁକୁର ରଖିବାକୁ ବିଶେଷ ରୁଚି ରଖିଥାନ୍ତି । ବିଭିନ୍ନ ମଡେଲର ବାଇକ ବ୍ୟତୀତ ଧୋନି ଘରେ ଦୁର୍ଲଭ ପଶୁ, ପକ୍ଷୀ ଓ ବିରଳ ପ୍ରଜାତିର କୁକୁର ମଧ୍ୟ ରଖିଛନ୍ତି । ତାଙ୍କ ଫାର୍ମହଉସରେ ଆଉଜଣେ ନୂଆ ଅତିଥି ସାମିଲ ହୋଇଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ