ଚେନ୍ନାଇ: ଯଦିଓ ମୁମ୍ବାଇ ଇଣ୍ତିଆନ୍ସର ଖେଳାଳି ହାର୍ଦ୍ଦିକ ପାଣ୍ଡ୍ୟା ବ୍ୟାଟିଂ ଓ ବୋଲିଂରେ ଏତେ ଭଲ ପ୍ରର୍ଦଶନ କରି ନାହାନ୍ତି ମାତ୍ର ତାଙ୍କର ଫିଲ୍ଡିଂ ଥିଲା ଉଚ୍ଚକୋଟୀର । ଅଲରାଉଣ୍ଡର ଦକ୍ଷତାପୂର୍ଣ୍ଣ ପାଣ୍ଡ୍ୟାଙ୍କ ଜବରଦସ୍ତ ଫିଲ୍ଡି ମୁମ୍ବାଇ ଇଣ୍ଡିଆନ୍ସଙ୍କୁ ଦ୍ବିତୀୟ ବିଜୟ ଦେଇଛି ।
ଚଳିତ ଆଇପିଏଲରେ ଚେପକ ଷ୍ଟାଡିୟମରେ ଗତକାଲି ମୁମ୍ବାଇ ଇଣ୍ଡିଆନ୍ସ ଓ ସନରାଇର୍ଜସ ହାଇଦ୍ରାବାଦ ମୁହାଁମୁହିଁ ହୋଇଥିଲେ । ଇଣ୍ଡିଆନ୍ସ 20 ଓଭରରେ 150 ରନ ସଂଗ୍ରହ କରିଥିଲା । ଏହା ପରେ ହାଇଦ୍ରାବାଦରୁ 151ରନର ବିଜୟ ଲକ୍ଷ୍ୟ ଦେଇଥିଲା । ବୋଲରଙ୍କ ଶୃଙ୍ଖଳିତ ବୋଲିଂ ବଳରେ ମୁମ୍ବାଇ ମ୍ୟାଚକୁ 13ରନରେ ହାତେଇ ନେଇଛି । ମ୍ୟାଚରେ ସବୁଠୁ ଗୁରୁତ୍ବପୂର୍ଣ୍ଣ ଥିଲା ପାଣ୍ଡ୍ୟାଙ୍କ ଫିଲ୍ଡିଂ । ଆଲରାଉଣ୍ଡର ପାଣ୍ଡ୍ୟାଙ୍କ ନିଜକ ଦକ୍ଷତା ପ୍ରର୍ଦଶନ କରି ସାଧାସଳଖ ହିଟ ମାଧ୍ୟମରେ ଦୁଇଟି ଗୁରୁତ୍ବପୂର୍ଣ୍ଣ ୱିକେଟ ନେଇଥିଲେ । ଯାହା ଇଣ୍ଡିଆନ୍ସର ବିଜୟ ଆଶାକୁ ଉଜ୍ଜିବୀତ କରିଥିଲା ।