ହାଇଦ୍ରାବାଦ: ୧୪ ବର୍ଷ ପରେ ଭାରତୀୟ କ୍ରିକେଟ ଇତିହାସ ବଦଳିବା ସାଙ୍ଗକୁ ପ୍ରଥମ କରି ବିଶ୍ବ କପ ମ୍ୟାଚରେ ପାକିସ୍ତାନ ଭାରତ ଠାରୁ ବିଜୟୀ ହୋଇଛି । ଏହାକୁ ନେଇ ପାକିସ୍ତାନୀ ଏବଂ ଭାରତରେ ଥିବା କେତେକ ପାକିସ୍ତାନୀ ସମର୍ଥକଙ୍କ ବିବାଦୀୟ ମନ୍ତବ୍ୟ ଅନଲାଇନ ୱାର ସୃଷ୍ଟି କରିଛି । ଏପରିକି ପାକିସ୍ତାନ କ୍ରିକେଟରଙ୍କ ଠାରୁ ଆରମ୍ଭ କରି ସାମ୍ବାଦିକ ମଧ୍ୟ ଭାରତ ଏବଂ ଭାରତୀୟ କ୍ରିକେଟରଙ୍କୁ ଟ୍ରୋଲ କରିବା ସାଙ୍ଗକୁ ମନଇଚ୍ଛା ଶବ୍ଦ ପ୍ରୟୋଗ କରୁଛନ୍ତି ।
ଏହାର କଡା ଜବାବ ରଖିଛନ୍ତି ଭାରତର ପୂର୍ବତନ ସ୍ପିନର୍ ହରଭଜନ ସିଂ । ପାକିସ୍ତାନର ପୂର୍ବତନ ପେସ୍ ବୋଲର ମହମ୍ମଦ ଆମୀରଙ୍କୁ ହରଭଜନ ଟ୍ବିଟରେ କଡା ଜବାବ ଦେବା ପରେ ଏବେ ପାକିସ୍ତାନ ସାମ୍ବାଦିକା ଇକରା ନାସିରଙ୍କୁ ଟ୍ବିଟରରେ ସ୍ପିନ୍ ମାରିଛନ୍ତି ହରଭଜନ । ତେବେ ସାମ୍ବାଦିକା ଇକରା ମହମ୍ମଦ ଆମୀର ଏବଂ ହରଭଜନଙ୍କ ଟ୍ବିଟର କଥା କଟାକଟି ମଧ୍ୟରେ ହରଭଜନ ସିଂ, ଏବଂ ଶାହିଦି ଆଫ୍ରିଦିଙ୍କ ଏକ ଭିଡିଓ ଟ୍ବିଟ୍ କରି ଲେଖିଛନ୍ତି ଯେ, 'ୟେ ନିଅନ୍ତୁ ହରଭଜନ ସିଂ, ଆଫ୍ରିଦ ଆପଣଙ୍କ ୪ଟି ବଲରେ ୪ଟି ଛକା ମାରିଥିବା ସ୍ମୃତି ।'