ହାଇଦ୍ରାବାଦ: ଫଟାଫଟ୍ କ୍ରିକେଟର ଚଟାପଟ୍ ହିରୋ । T-20 ଫର୍ମାଟର ଏ ଚଟାପଟ୍ ହିରୋ ହେଉଛନ୍ତି ୱେଷ୍ଟଇଣ୍ଡିଜ କାରବିଆନ ପାୱାରହିଟର ଖେଳାଳି କ୍ରିସ୍ ଗେଲ୍ । ଆଜି ଏହି ବିସ୍ଫୋରକ ବ୍ୟାଟ୍ସମ୍ୟାନ ଗେଲଙ୍କ ଜନ୍ମଦିନ । ୧୯୭୯ ମସିହା ଆଜିର ଦିନରେ ଜନ୍ମଗ୍ରହଣ କରିଥିଲେ ଗେଲ୍ ।
ମଇଦାନକୁ ଗେଲ୍ ଆସିଲେ କେବଳ ଛକା-ଚୌକାର ବର୍ଷା ହୁଏ । ତାଙ୍କ ବ୍ୟାଟିଂ ଷ୍ଟାଇଲ ଏବଂ ମଜାଳିଆ ଅନ୍ଦାଜକୁ ଫ୍ୟାନ୍ସ ଖୁବ୍ ପସନ୍ଦ କରିଥାନ୍ତି । IPL ପରେ ଲୋକଲୋଚନକୁ ଆସିଥିଲେ ଗେଲ୍ । T-20 ଫର୍ମାଟରେ 14261 ରନ୍ ସ୍କୋର କରିଛନ୍ତି ଗେଲ୍, ଯାହା ବର୍ତ୍ତମାନ ସୁଦ୍ଧା କୌଣସି କ୍ରିକେଟର କରିପାରି ନାହାନ୍ତି । କ୍ରିସ ସର୍ବାଧିକ 36.94 ଏବଂ ଷ୍ଟ୍ରାଇକ୍ ହାର 145.87 ରେ ଅଛନ୍ତି । ତାଙ୍କ କ୍ରିକେଟ ଇତିହାସରେ 22 ଟି ଶତକ ଏବଂ 87 ଅର୍ଦ୍ଧ ଶତକ ଅନ୍ତର୍ଭୁକ୍ତ ।
ସେହିପରି ଗେଲ୍ କ୍ରିକେଟ ଫର୍ମାଟରେ ୧ ହଜାର ଛକା ମାରିବାରେ ପ୍ରଥମ ବ୍ୟାଟ୍ସମ୍ୟାନ । ଆଇପିଏଲ 2020 ର 50 ନମ୍ବର ମ୍ୟାଚରେ ରାଜସ୍ଥାନ ରୟାଲ୍ସ ବିପକ୍ଷରେ ଏହି ବିରଳ ରେକର୍ଡ କରିଥିଲେ ଗେଲ୍ । ଏହି ମ୍ୟାଚରେ 63 ବଲରୁ 99 ରନର ଇଂନିସ ଖେଳିଛନ୍ତି ଗେଲ୍ । ଏହି ଇଂନିସରେ 6ଟି ଚୌକା ଓ 8ଟି ବିଶାଳ ଛକା ସାମିଲ ରହିଛି । ଗେଲଙ୍କ ଏହି ମାରାଥନ ଇଂନିସ ସହାୟତାରେ କିଙ୍ଗ୍ସ ଇଲେଭେନ ପଞ୍ଜାବ 20 ଓଭରରେ 185/4 ରନ ସଂଗ୍ରହ କରିପାରିଥିଲା । ଗେଲ୍ଙ୍କ ନାମରେ ଆଇପିଏଲରେ ସର୍ବାଧିକ ଛକା ମାରିବାର ରେକର୍ଡ ମଧ୍ୟ ରହିଛି । ଆଇପିଏଲର 13ଟି ସଂସ୍କରଣରେ ଭିନ୍ନଭିନ୍ନ ଟିମ ପାଇଁ ଖେଳି ଶକ୍ତିଶାଳୀ ଗେଲ୍ ମୋଟ 349 ଟି ଛକା ମାରିଛନ୍ତି ।
ଜାଣନ୍ତୁ ଟି -20 କ୍ରିକେଟ୍ ରେ ୟୁନିଭର୍ସ ବସ୍ ଗେଲଙ୍କ କେତୋଟି ଶ୍ରେଷ୍ଠ ନକ୍...