ନୂଆଦିଲ୍ଲୀ: ଅର୍ଜୁନ ଆୱାର୍ଡ ପାଇବା ପରେ ଭାରତୀୟ ବ୍ୟାଟର ଶିଖର ଧାୱନ ସୋସିଆଲ ମିଡିଆ ମାଧ୍ୟମରେ ସମସ୍ତଙ୍କୁ ଧନ୍ୟବାଦ ଜଣାଇଛନ୍ତି । ପରିବାର, ବନ୍ଧୁ ଓ ଜାତୀୟ କ୍ରିକେଟ ବୋର୍ଡ(BCCI) ସମେତ କ୍ରିକେଟ ଯାତ୍ରାରେ ସହଯୋଗ କରିଥିବା ସମସ୍ତଙ୍କୁ ଧନ୍ୟବାଦ ଜଣାଇଛନ୍ତି ଧାୱନ ।
୩୫ ବର୍ଷୀୟ ଭାରତୀୟ ଓପନର ଧାୱନଙ୍କୁ କ୍ରୀଡା କ୍ଷେତ୍ରରେ ଉତ୍କୃଷ୍ଟ ପ୍ରଦର୍ଶନ ପାଇଁ ରାଷ୍ଟ୍ରପତି ରାମନାଥ କୋବିନ୍ଦ ଶନିବାର ଅର୍ଜୁନ ଆୱାର୍ଡ ପ୍ରଦାନ କରିଛନ୍ତି । ଧନ୍ୟବାଦ ବାର୍ତ୍ତା ଥିବା ଟ୍ବିଟ୍ରେ ଧାୱନ ଲେଖିଛନ୍ତି, "ଅର୍ଜୁନ ଆୱାର୍ଡ ଗ୍ରହଣ କରିବା ମୋ ପାଇଁ ବହୁତ ସମ୍ମାନର କଥା । ଯେଉଁମାନେ ମୋର ଏହି ଯାତ୍ରାରେ ସାଥ୍ ଦେଇଛନ୍ତି ସେମାନଙ୍କୁ ଧନ୍ୟବାଦ କରିବାକୁ ଚାହେଁ । ମୋର କୋଚ୍, ଡକ୍ଟର, ସପୋର୍ଟ ଷ୍ଟାଫ, BCCI, ସାଥୀ ଖେଳାଳି, ସମସ୍ତ ଫ୍ୟାନ୍ସ ଓ ବନ୍ଧୁ ପରିବାରକୁ ଅନେକ ଧନ୍ୟବାଦ ।"