ନୂଆଦିଲ୍ଲୀ:ଟୋକିଓ ଅଲମ୍ପିକ୍ସରେ ଯୋଗ ଦେଇଥିବା ଭାରତୀୟ ଅଲମ୍ପିଆନଙ୍କୁ ଶୁଭକାମନା ଜଣାଇଲେ ପୂର୍ବତନ ଓଡ଼ିଆ ଭାରତୀୟ କ୍ରିକେଟର ବା ଭାରତୀୟ ମହିଳା ଦଳର ବ୍ୟାଟିଂ କୋଚ ଶିବ ସୁନ୍ଦର ଦାଶ । ଏକ ଭିଡିଓ ସୋସିଆଲ ମଡିଆରେ ସେୟାର କରି ଶିବ ସୁନ୍ଦର ଦାଶ ଏହି ଶୁଭେଚ୍ଛା ଜଣାଇଛନ୍ତି । ରାଜ୍ୟ କ୍ରୀଡ଼ା ବିଭାଗ ପକ୍ଷରୁ ଏହି ଭିଡିଓକୁ ସେୟାର କରାଯାଇଛି ।
ଭିଡିଓ ସେୟାର କରି ପୂର୍ବତନ ଓଡ଼ିଆ ଭାରତୀୟ କ୍ରିକେଟର ଶିବ ସୁନ୍ଦର ଦାଶ କହିଛନ୍ତି, "ଟୋକିଓ ଅଲମ୍ପିକ୍ସରେ ଭାରତ ପକ୍ଷରୁ ପ୍ରତିନିଧିତ୍ବ କରୁଥିବା ଓଡ଼ିଆ କ୍ରିଡ଼ାବିତଙ୍କ ପାଇଁ ଆଜି ରାଜ୍ୟ ଗର୍ବିତ । ଟୋକିଓ ଅଲମ୍ପିକ୍ସରେ ଯୋଗ ଦେଇଥିବା ପ୍ରତ୍ୟେକ କ୍ରୀଡ଼ାବିତଙ୍କୁ ମୁଁ ଶୁଭେଚ୍ଛା ଜଣାଉଛି । ଆଶା କରୁଛି ସେମାନେ ପଦକ ଜିତି ଭାରତକୁ ଗୌବନ୍ବିତ କରିବେ ।"