ହାଇଦ୍ରାବାଦ:ଭାରତର ପରାଜୟ ପରେ ପୂର୍ବତନ କ୍ରିକେଟରଙ୍କ ପ୍ରତିକ୍ରିୟା । ଟି୨୦ ବିଶ୍ବକପ୍ରେ ସେମିରେ ଭାରତର ଶୋଚନୀୟ ପରାଜୟ ପରେ ପ୍ରତିକ୍ରିୟା ରଖିଛନ୍ତି ବହୁ ପୂର୍ବତନ କ୍ରିକେଟର । ଇଂଲଣ୍ଡ ସମ୍ମୁଖରେ ଭାରତ ୧୬୯ ରନ୍ ଟାର୍ଗେଟ ରଖିଥିଲା । ଭାରତୀୟ ବୋଲର ଗୋଟିଏ ବି ୱିକେଟ ନେବାକୁ ସକ୍ଷମ ହୋଇପାରିନଥିଲେ । ଫଳରେ ଇଂଲଣ୍ଡ ୧୬ ଓଭରରେ ବିଜୟ ଲକ୍ଷ୍ୟ ହାସଲ କରିଥିଲା । ଓପନର ଆଲେକ୍ସ ହେଲ୍ସ ଓ ଜୋଶ ବଟଲର ଯଥାକ୍ରମେ ୮୬ ଓ ୮୦ ରନ୍ କରି ଇଂଲଣ୍ଡକୁ ବିଜୟ ଦେଇଥିଲେ ।
ଏହାକୁ ନେଇ ପୂର୍ବତନ କ୍ରିକେଟର ପ୍ରତିକ୍ରିୟା ରଖିଛନ୍ତି । ଏହାକୁ ନେଇ ଅଷ୍ଟ୍ରେଲିଆର ପୂର୍ବତନ ଅଲ୍ରାଉଣ୍ଡର ସେନ୍ ୱାଟସନ୍ କହିଛନ୍ତି, "ଭାରତ ଏହି ମ୍ୟାଚ୍ରେ ଅତି ରକ୍ଷଣାତ୍ମକ ବ୍ୟାଟିଂ କରିଛି । ଦୁର୍ଭାବ୍ୟବଶତଃ ଟୁର୍ଣ୍ଣାମେଣ୍ଟରେ ରୋହିତ ଶର୍ମା ଓ କେଏଲ୍ ରାହୁଲ ପ୍ରଥମ ୬ ଓଭରରେ ସ୍କୋର୍ ପାରିନଥିଲେ । ଦୁଇ ବ୍ୟାଟରଙ୍କ ପାଖରେ ସାମର୍ଥ୍ୟ ରହିଛି । କିନ୍ତୁ ଚଳିତ ଟୁର୍ଣ୍ଣାମେଣ୍ଟରେ ତାହା ଦେଖିବାକୁ ମିଳିନଥିଲା । ଆଜିର ମ୍ୟାଚ୍ରେ ଭାରତ ୬ରୁ ୮ ଓଭର ଆଗରୁ ଆକ୍ରାମକ ବ୍ୟାଟିଂ ଆରମ୍ଭ କରିବାର ଥିଲା । କିନ୍ତୁ ତାହା ଦେଖିବାକୁ ମିଳିନଥିଲା, ଯାହା ପରାଜୟର ପ୍ରମୁଖ କାରଣ । ଚହଲଙ୍କୁ ନଖେଳାଇ ଭାରତ ଭୁଲ୍ କରିଛି ।" ଭାରତ-ଇଂଲଣ୍ଡ ମ୍ୟାଚ୍ ପରେ ଏକ ସାକ୍ଷାତକାରରେ ଏହା କହିଛନ୍ତି ସେନ୍ ୱାଟସନ୍ ।