କଲମ୍ବୋ: ଭାରତ ଇଂଲଣ୍ଡ ମଧ୍ୟ ଜାରି ରହିଥିବା ଦିନିକିଆ ସିରିଜର ଆଜି(ଶୁକ୍ରବାର) ହେଉଛି ଶେଷ ମ୍ୟାଚ । କଲମ୍ବୋରେ ଖେଳାଯିବାକୁ ଥିବା ଏହି ମ୍ୟାଚରେ ଟସ ଜିତି ପ୍ରଥମେ ବ୍ୟାଟିଂ ନିଷ୍ପତ୍ତି ନେଇଛି ଭାରତ । ଭାରତ ପକ୍ଷରୁ ଆଜିର ମ୍ୟାଚରେ ୫ ଜଣ ଖେଳାଳି ଡେବ୍ୟୁ କରିଛନ୍ତି ।
ଶ୍ରୀଲଙ୍କା ବିପକ୍ଷରେ ୱିକେଟ କିପର ବ୍ୟାଟସମ୍ୟାନ ସଞ୍ଜୁ ସାମସନ, ବ୍ୟାଟସମ୍ୟାନ ନୀତିଶ ରାଣା, ରାହୁଲ ଚହର, ଚେତନ ସାକାରିଆ ଓ ଅଲ ରାଉଣ୍ଡର କେ ଗୌତମ ଦିନିକିଆ କ୍ରିକେଟରେ ଡେବ୍ୟୁ କରିଛନ୍ତି । ୧୯୮୦ ମସିହା ପରେ ପ୍ରଥମ ପାଇଁ କୌଣସି ଦିନିକିଆରେ ଭାରତ ପକ୍ଷରୁ ୫ ଜଣ କ୍ରିକେଟର ଡେବ୍ୟୁ କରିବାକୁ ଯାଉଛନ୍ତି । ସେହିଭଳି ତୃତୀୟ ଦିନିକିଆରେ ଚୂଡ଼ାନ୍ତ ଏକାଦଶରେ ଭୁବନେଶ୍ବର କୁମାର ନଥିବାରୁ ତାଙ୍କ ସ୍ଥାନରେ ହାର୍ଦ୍ଦିକ ପାଣ୍ଡ୍ୟା ଦଳ ଉପ ଅଧିନାୟକ ଦାୟିତ୍ବରେ ରହିଛନ୍ତି ।