ବ୍ରିସ୍ବେନ୍: ଇଂଲଣ୍ଡ ଓ ଅଷ୍ଟ୍ରେଲିଆ ମଧ୍ୟରେ ଆଜି(ବୁଧବାର)ଠାରୁ ଆରମ୍ଭ ହୋଇଛି କ୍ରିକେଟ ଐତିହାସିକ ଲଢ଼େଇ ଆସେସ୍ ସିରିଜ । ପ୍ରଥମ ଦିନର ଶେଷ ସେସନ ବର୍ଷାରେ ଧୋଇ ହୋଇଛି । ତେବେ ଏହାପୂର୍ବରୁ ଅଷ୍ଟ୍ରେଲିଆ ବୋଲର୍ମାନେ ଦମଦାର୍ ପ୍ରଦର୍ଶନ କରି ଇଂଲଣ୍ଡ ଦଳକୁ ୧୪୭ ରନ୍ରେ ଅଲ୍ଆଉଟ୍ କରିଛନ୍ତି । ଆସେସ୍ ଟେଷ୍ଟ ସିରିଜ୍ରେ ଫାଷ୍ଟ ବୋଲର୍ ପ୍ୟାଟ୍ କମିନ୍ସ ୧୯୮୨ ମସିହା ପରେ ପ୍ରଥମ ଥର ପାଇଁ ପ୍ରଥମ ଅଧିନାୟକ ଭାବରେ ୫ଟି ୱିକେଟ ହାସଲ କରିବାର ରେକର୍ଡ ହାସଲ କରିଛନ୍ତି ।
ଏହାପୂର୍ବରୁ ୧୯୮୨ରେ ଇଂଲଣ୍ଡର ଅଧିନାୟକ ଫାଷ୍ଟ ବୋଲର ବବ୍ ୱିଲିସ୍ ଆସେସ୍ ସିରିଜ୍ରେ ୫ଟି ୱିକେଟ ହାସଲ କରିଥିଲେ । ପ୍ୟାଟ୍ କମିନ୍ସଙ୍କ ଛଡ଼ା ମିଚେଲ ଷ୍ଟାର୍କ ଓ ଜୋଶ ହେଜେଲଉଡ୍ ଦୁଇଟି ଲେଖାଏଁ ୱିକେଟ ନେଇଥିବାବେଳେ କ୍ୟାମେରନ୍ ଗ୍ରୀନ ଗୋଟିଏ ୱିକେଟ ନେଇ ଇଂଲଣ୍ଡର ବ୍ୟାଟିଂ ଅର୍ଡରକୁ ଧ୍ବସ୍ତ କରି ଦେଇଥିଲେ ।