ହାଇଦ୍ରାବାଦ: ଆଗାମୀ ଟି-୨୦ବିଶ୍ବକପ ପାଇଁ ଭାରତୀୟ ଟିମ ଘୋଷଣା କରିଛି ବିସିସିଆଇ । ଏଥିସହ ଦକ୍ଷିଣ ଆଫ୍ରିକା ଓ ଅଷ୍ଟ୍ରେଲିଆ ବିପକ୍ଷ ଘରୋଇ ସିରିଜ ପାଇଁ ମଧ୍ୟ ଟି-୨୦ ସ୍କ୍ବାଡ୍ ଘୋଷଣା ହୋଇଛି । ତେବେ ସ୍କ୍ବାଡ ଘୋଷଣା ପରେ କ୍ଷୋଭ ପ୍ରକାଶ କରିଛନ୍ତି ଭାରତୀୟ କ୍ରିକେଟ ଫ୍ୟାନ୍ସ । ସ୍କ୍ବାଡ ଘୋଷଣା ହେବାର କିଛି ସମୟ ମଧ୍ୟରେ ସୋସିଆଲ ମିଡିଆରେ ଆରମ୍ଭ ହୋଇଯାଇଛି ବିସିସିଆଇ ବୟ କଟ ଟ୍ରେଣ୍ଡିଂ । ସ୍କ୍ବାଡରେ ସାମିଲ କରାଯାଇଥିବା ଦୁଇ କ୍ରିକେଟର ଲୋକେଶ ରାହୁଲ ( KL Rahul ) ଏବଂ ଋଷଭ ପନ୍ତଙ୍କ ଫର୍ମ ( Rishabh Pant ) ଭଲ ନଥିବାରୁ ବିଶ୍ବକପ ପାଇଁ ଉପଯୁକ୍ତ ନୁହଣନ୍ତି କହିବା ସହିତ ସଞ୍ଜୁ ସାମସନ ( Sanju Samson ) ବିଶ୍ବକପ ଟିମରେ ଖେଳିବା ପାଇଁ ଉପଯୁକ୍ତ ବୋଲି ମତ ରଖିବାସହ ଅସନ୍ତୋଷ ବ୍ୟକ୍ତ କରିଛନ୍ତି ।
ବିସିସିଆଇ ଘୋଷଣା କରିଥିବା ୧୫ ଜଣିଆ ଟି-୨୦ ସ୍କ୍ବାଡକୁ ନେଇ କ୍ରିକେଟ ପ୍ରେମୀଙ୍କ ପାଖରେ ଦେଖାଦେଇଛି ଅସନ୍ତୋଷ ଭାବନା । ଅଷ୍ଟ୍ରେଲିଆରେ ଆସନ୍ତା ଅକ୍ଟୋବରରୁ ଖେଳାଯିବ ଟି-୨୦ ବିଶ୍ବକପ ଟୁର୍ଣ୍ଣାମେଣ୍ଟ । ତେବେ ଖେଳାଳି ଚୟନକୁ ନେଇ ଅନେକ ମତ ସାମ୍ନାକୁ ଆସିଛି । ପନ୍ତଙ୍କୁ ଟି-୨୦ ବିଶ୍ବକପରେ ଖେଳିବା ପାଇଁ ଭରଷାଯୋଗ୍ୟ ନୁହଁନ୍ତି ବୋଲି ଅନେକ କହିଛନ୍ତି । ଏହା ସହିତ ସେ ଯୁବ କ୍ରିକେଟର ସଞ୍ଜୁ ସାମସନକୁ ବିଶ୍ବକପ ଟିମରେ କାହିଁ ସ୍ଥାନ ମିଲିଲା ନାହିଁ ବୋଲି ପ୍ରଶ୍ନ କରିଛନ୍ତି । ଇଣ୍ଟରନେଟ ବ୍ୟବହାରକାରୀ ସଞ୍ଜୁ ସାମସନକୁ ବିଶ୍ବକପ ପାଇଁ ମୁଖ୍ୟ ଦାବିଦାର କହିଛନ୍ତି । ଏସିଆ କପରେ ରାହୁଲ ଏବଂ ଋଷଭଙ୍କ ପ୍ରଦଶର୍ନକୁ ଆକ୍ଷେପ କରିଛନ୍ତି କ୍ରିକେଟ ପ୍ରେମୀ ।