ଲଣ୍ଡନ: କ୍ରିକେଟର ଲମ୍ବା ଫର୍ମାଟରେ ଅଷ୍ଟମ ଶତକ ହାସଲ କଲେ ଭାରତୀୟ ଓପନର ରୋହିତ ଶର୍ମା । ଓଭାଲ ଟେଷ୍ଟର ଦ୍ବିତୀୟ ଇଂନିସରେ ରୋହିତ ଦମଦାର ଶତକ ହାସଲ କରିଛନ୍ତି । ବିଦେଶ ମାଟିରେ ଏହା ରୋହିତଙ୍କ ପ୍ରଥମ ଶତକ । ଏହି ଶତକୀୟ ଇଂନିସ ସହ କ୍ରିକେଟର ଲମ୍ବା ଫର୍ମାଟରେ ରୋହିତ ୩,୦୦୦ ରନ୍ ମଧ୍ୟ ପୂରଣ କରିଛନ୍ତି ।
ଓଭାଲ ଟେଷ୍ଟର ଦ୍ବିତୀୟ ଇଂନିସରେ ଇଂଲଣ୍ଡ ଅଫ୍ସ୍ପିନର ମୋଇନ ଅଲୀଙ୍କୁ ଛକାମାରି ଶତକ ପୂରଣ କରିଥିଲେ ରୋହିତ । ଏହାପୂର୍ବରୁ ରୋହିତ, ସମସ୍ତ ଟେଷ୍ଟ ଶତକ ଘରୋଇ ମାଟିରେ ହାସଲ କରିଥିଲେ ।
ଇଂଲଣ୍ଡକୁ ଏକମାତ୍ର ସଫଳତା କେଏଲ ରାହୁଲଙ୍କ ରୂପରେ ମିଳିଛି । ୪୬ ରନରେ ଲଞ୍ଚ ବ୍ରେକ୍ର ଠିକ୍ ପୂର୍ବରୁ ଆଣ୍ଡରସନଙ୍କ ଶିକାର ହୋଇଥିଲେ ରାହୁଲ । ଭାରତକୁ ପ୍ରଥମ ଇଂନିସରେ ୧୯୧ରନ୍ରେ ରୋକିବାପରେ ଇଂଲଣ୍ଡ ୨୯୦ ରନ କରିଛି । ଓଲି ପୋପ ଦମଦାର ୮୧ ରନ୍ର ଇଂନିସ ଖେଳିଥିଲେ । ଫଳରେ ପ୍ରଥମ ୯୯ ରନର ଗୁରୁତ୍ବପୂର୍ଣ୍ଣ ଲିଡ୍ ନେଇଥିଲା ଘରୋଇଦଳ । ଚା' ବ୍ରେକ୍ ସୁଦ୍ଧା ଭାରତର ସ୍କୋର ୧୯୯/1 ରହିଥିବାବେଳେ ୧୦୦ ରନରେ ଆଗୁଆ ରହିଛି ।
୫ ମ୍ୟାଚ ବିଶିଷ୍ଟ ଟେଷ୍ଟ ସିରିଜ ୧-୧ରେ ବରାବର ରହିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
