ଦୁବାଇ:ଆଇସିସି ଟି-20 ରାଙ୍କିଂରେ ଚତୁର୍ଥ ସ୍ଥାନରେ ପହଞ୍ଚିଲେ ଭାରତୀୟ ଅଧିନାୟକ ବିରାଟ କୋହଲି। ଗତ କିଛି ଦିନ ତଳେ ଟି-20 କ୍ରିକେଟ ଇତିହାସରେ ପ୍ରଥମ ବ୍ୟାଟସମ୍ୟାନ ଭାବରେ ସେ 3 ହଜାର ରନ ପୂରଣ କରିଥିଲେ। ଇଂଲଣ୍ଡ ବିପକ୍ଷରେ 5ଟିକିଆ ଟି-20 ସିରିଜକୁ 3-2ରେ ଜିତି ନେଇଥିଲା ଭାରତ। ଏହାପରେ ଟି-20 ରାଙ୍କିଂରେ ବିରାଟ କୋହିଲି ଚତୁର୍ଥ ସ୍ଥାନରେ ପହଞ୍ଚି ପାରିଛନ୍ତି।
ଇଂଲଣ୍ଡ ବିପକ୍ଷରେ ଶେଷ ଟି-20 ମ୍ୟାଚେ ବିରାଟ କୋହଲି 52ଟି ବଲରେ 80 ରନ କରିଥିଲେ। ରୋହିତ ଶର୍ମାଙ୍କ ଓପେନିଂ କରିଥିଲେ ବିରାଟ। ଦୁହିଁଙ୍କ ମଧ୍ୟରେ 94 ରନ ଭାଗିଦାରୀ ହୋଇଥିଲା। ତେବେ କୋହଲି ଚତୁର୍ଥ ସ୍ଥାନରେ ପହଞ୍ଚିବା ପରେ କେଏଲ ରାହୁଲ ପଞ୍ଚମ ସ୍ଥାନକୁ ଖସି ଆସିଛନ୍ତି। ଇଂଲଣ୍ଡ ବିପକ୍ଷରେ ସେ ଭଲ ପର୍ଦର୍ଶନ କରି ପାରିନଥିଲେ।