ଦୁବାଇ: ଆଇସିସି ପକ୍ଷରୁ ଜାରି ହେଲା ଟେଷ୍ଟ ଖେଳାଳିଙ୍କ ରାଙ୍କିଂ। ଏହି ତାଲିକାରେ ଭାରତୀୟ ଓପନର ରୋହିତ ଶର୍ମା, ସ୍ପିନର ଅଲରାଉଣ୍ଡର ରବିଚନ୍ଦ୍ରନ ଅଶ୍ବିନ ଓ ଋଷଭ ପନ୍ତଙ୍କୁ ଫାଇଦା ମିଳିଛି। ଆଇସିସି ଟେଷ୍ଟ ବ୍ୟାଟସମ୍ୟାନ ତାଲିକାରେ 9ଟି ସ୍ଥାନ ଉପରକୁ ଉଠି 14ତମ ସ୍ଥାନରେ ପହଞ୍ଚିଛନ୍ତି ରୋହିତ ଶର୍ମା। ଚେନ୍ନାଇରେ ଇଂଲଣ୍ଡ ବିପକ୍ଷରେ ଗୁରୁତ୍ବପୂର୍ଣ୍ଣ 161 ଇନିଂସ ପରେ ସେ ବ୍ୟାଟସମ୍ୟାନ ତାଲିକାରେ ଉପରକୁ ଉଠିଛନ୍ତି ।
ସେହିଭଳି ବିଶ୍ବର ଶ୍ରେଷ୍ଠ 5 ଜଣ ଟେଷ୍ଟ ଅଲରାଉଣ୍ଡର ତାଲିକାରେ ସାମିଲ ହୋଇଛନ୍ତି ରବିଚନ୍ଦ୍ରନ ଅଶ୍ବିନ । ଏହି ତାଲିକାର ଦ୍ବିତୀୟ ସ୍ଥାନରେ ରହିଛନ୍ତି ଆଉ ଜଣେ ଭାରତୀୟ ଅଲରାଉଣ୍ଡର ରବିନ୍ଦ୍ର ଜାଡେଜା। ଆହତ ଜନିତ ସମସ୍ୟା ଯୋଗୁଁ ସେ ଟିମରୁ ବାହାରେ ରହିଛନ୍ତି। ସେହିଭଳି ଆଇସିସି ଟେଷ୍ଟ ମ୍ୟାଚ ବ୍ୟାଟସମ୍ୟାନ ତାଲିକାର 11ତମ ସ୍ଥାନରେ ରହିଛନ୍ତି ଋଷଭ ପନ୍ତ। ସେ ଗୋଟିଏ ସ୍ଥାନ ପଛରେ ରହିଥିଲେ। ଇଂଲଣ୍ଡ ବିପକ୍ଷ ଦ୍ବିତୀୟ ଟେଷ୍ଟର ପ୍ରଥମ ଇନିଂସରେ ସେ ମଧ୍ୟ ଗୁରୁତ୍ବପୂର୍ଣ୍ଣ ଇନିଂସ ଖେଳିଥିଲେ।