ମୁମ୍ବାଇ:ଦିନିକିଆ ଡେବ୍ୟୁ ମ୍ୟାଚରେ ଭାରତୀୟ ଖେଳାଳିଙ୍କ ମଧ୍ୟରେ ସର୍ବଶ୍ରେଷ୍ଠ ପ୍ରଦର୍ଶନ କରିଛନ୍ତି ଫାଷ୍ଟ ବୋଲର ପ୍ରସିଦ୍ଧ କ୍ରୀଷ୍ଣା। ପ୍ରଥମ ମ୍ୟାଚରେ ହିଁ ସେ 8 ଓଭର ବୋଲିଂ କରି 54 ରନ ଦେଇଥିଲେ ସୁଦ୍ଧା ଗୁରୁତ୍ବପୂର୍ଣ୍ଣ 4ଟି ନେଇଥିଲେ। ପ୍ରଥମ ସ୍ପେଲରେ ସେ ମହଙ୍ଗା ସାବ୍ୟସ୍ତ ହୋଇଥିଲେ। ଇଂଲଣ୍ଡ ଓପନର ଜେଶନ ରୟ ଓ ଜନି ବେୟାରଷ୍ଟୋ ଦମଦାର ବ୍ୟାଟିଂ କରି ଭାରତୀୟ ବୋଲରଙ୍କୁ ଧରାଶାୟୀ କରି ଦେଇଥିଲେ।
ତେବେ ଦ୍ବିତୀୟ ସ୍ପେଲରେ ଫାଷ୍ଟ ବୋଲର ପ୍ରସିଦ୍ଧ କ୍ରୀଷ୍ଣାଙ୍କ ଉପରେ ପୁଣି ଭରସା ଦେଖାଇଥିଲେ ଅଧିନାୟକ ବିରାଟ କୋହଲି। ଏହାପରେ ଜେଶନ ରୟଙ୍କୁ ନିଜର ପ୍ରଥମ ଶିକାର କରିଥିଲେ। ସଙ୍ଗେ ସଙ୍ଗେ ଫର୍ମରେ ଥିବା ବେନ ଷ୍ଟୋକ୍ସଙ୍କୁ ମଧ୍ୟ ସେ ପାଭେଲିୟନକୁ ପଠାଇ ଦେଇଥିଲେ। ଫଳରେ ଗୋଟିଏ ସମୟରେ ପ୍ରଥମ ୱିକେଟ ପାଇଁ 135 ରନ କରି ମ୍ୟାଚ ଡ୍ରାଇଭିଁ ସିଟରେ ବସିଥିବା ଇଂଲଣ୍ଡ ଦଳ ବ୍ୟାକଫୁଟରେ ଦେଖା ଦେଇଥିଲା। ଭାରତ ଏହି ମ୍ୟାଚକୁ 66 ରନରେ ବିଜୟୀ ହେବାରେ ସକ୍ଷମ ହୋଇଛି।