ଚେନ୍ନାଇ: ଭାରତୀୟ ବୋଲିଂ ଗୁଣବତ୍ତା ନେଇ ନିରାଶ ଅଛନ୍ତି ଭାରତୀୟ ଦଳ ଅଧିନାୟକ ବିରାଟ କୋହଲି। ବିଶେଷ କରି ସ୍ପିନ ବୋଲର ଶାହବାଜ ନଦୀମ ଓ ୱାଶିଂଟନ ସୁନ୍ଦରଙ୍କ ବୋଲିଂକୁ ନେଇ ନିରାଶା ଜାହିର କରିଛନ୍ତି କୋହଲି। ଇଂଲଣ୍ଡ ବିପକ୍ଷରେ ପ୍ରଥମ ଟେଷ୍ଟ ମ୍ୟାଚରେ ଘରୋଇ ଦଳ 227 ରନରେ ପରାସ୍ତ ହୋଇଛି। ଫଳରେ ଦଳ 4ଟିକିଆ ଟେଷ୍ଟ ସିରିଜରେ ଇଂଲଣ୍ଡ ଦଳ 1-0ରେ ଆଗୁଆ ରହିଛି।
ମ୍ୟାଚ ପରେ ଭାରତୀୟ ଅଧିନାୟକ ବିରାଟ କୋହଲି କହିଛନ୍ତି ଯେ, "ଏଠାରେ ପିଚ ସପାଟ ଓ ଧିମା ଥିଲା। ସତ କଥା କହିବାକୁ ଗଲେ ଆମ ବୋଲିଂ ଏତେଟା ପ୍ରଭାବଶାଳୀ ନଥିଲା। ଫଳରେ ଆମକୁ ମ୍ୟାଚରେ ବୋଲିଂରୁ କୌଣସି ଫାଇଦା ହୋଇନଥିଲା। ଏମିତି ପୂର୍ବରୁ ବି ହୋଇ ସାରିଛି। ଟେଷ୍ଟ କ୍ରିକେଟରେ 60 ଓଭର ପରେ ବଲ ଖରାପ ହେବା ଆରମ୍ଭ ହେବା କୌଣସି ଟିମ ପାଇଁ ଭଲ ସଙ୍କେତ ନୁହେଁ। କୌଣସି ଦଳ ଏଭଳି ହେଉ ବୋଲି ଚାହିଁବନି। ପ୍ରଥମ ଦୁଇ ଦିନରେ ହିଁ ଆମ ସହ ଏମିତି ହୋଇଥିଲା। କିନ୍ତୁ ଆମେ କୌଣସି ବାହାନା ଦେବାକୁ ଚାହିଁବୁନି। ଇଂଲଣ୍ଡ ଦଳ ଭଲ ପ୍ରଦର୍ଶନ କରିଥିଲା ଓ ବିଜୟ ହେବା ହକଦାର ଥିଲା।"