ନୂଆଦିଲ୍ଲୀ:ଭାରତୀୟ ଫାଷ୍ଟ ବୋଲର ଈଶାନ୍ତ ଶର୍ମାଙ୍କ ନିକଟକୁ ଶୁଭେଚ୍ଛାର ସୁଅ ଛୁଟିବାରେ ଲାଗିଛି। ନିଜ ଟେଷ୍ଟ କ୍ୟାରିୟରର 100ତମ ମ୍ୟାଚ ଖେଳୁଛନ୍ତି ଏହି ଫାଷ୍ଟ ବୋଲର। ମୋଟେରାର ନରେନ୍ଦ୍ର ମୋଦି ଷ୍ଟାଡିୟମରେ ଇଂଲଣ୍ଡ ବିପକ୍ଷରେ ସେ ଏହି ଉପଲବ୍ଧି ହାସଲ କରିଛନ୍ତି। ଏହାପୂର୍ବରୁ କେବଳ ଫାଷ୍ଟ ବୋଲର ଭାବରେ କପିଲ ଦେବ 100ଟି ମ୍ୟାଚ ଖେଳିଛନ୍ତି।
ବର୍ତ୍ତମାନ ଭାରତର ଅଭିଜ୍ଞ ଟେଷ୍ଟ ବୋଲର ହେଉଛନ୍ତି ଈଶାନ୍ତ ଶର୍ମା। ଏଭଳି ଏକ ରେକର୍ଡର ହକଦାର ହେବାପରେ ତାଙ୍କୁ ବହୁ ପୂର୍ବତନ କ୍ରିକେଟର ଶୁଭେଚ୍ଛା ଜଣାଇଛନ୍ତି। ଏହି ତାଲିକାରେ ଆଇସିସିଠାରୁ ଆରମ୍ଭ ବିରେନ୍ଦର ସେହେୱାଗ, ସଚିନ ତେନ୍ଦୁଲକର ଭଳି କ୍ରିକେଟର ସାମିଲ ରହିଛନ୍ତି।
ଈଶାନ୍ତ ଶର୍ମାଙ୍କୁ ଶୁଭେଚ୍ଛା ଜଣାଇ ପୂର୍ବତନ ଭାରୀତୟ ଓପନର ବିରେନ୍ଦର ସେହେୱାଗ କହିଛନ୍ତି ଯେ, "ଈଶାନ୍ତ ଶର୍ମାଙ୍କ ଏହା ଏକ ମହାନ ଯାତ୍ରା। 100 ଟେଷ୍ଟ ମ୍ୟାଚ ଖେଳିବାରେ ସେ ଚତୁର୍ଥ ଭାରତୀୟ ବୋଲର। ଏହାସହ ଜଣେ ଫାଷ୍ଟ ବୋଲର ଭାବରେ ଏଭଳି ଉପଲବ୍ଧି ହାସଲ କରିବାରେ ସେ ଦ୍ବିତୀୟ। ତାଙ୍କର 100 ଟେଷ୍ଟ ମ୍ୟାଚର ଯାତ୍ରା ତାଙ୍କ କୀର୍ତ୍ତିମାନ ବିଷୟରେ ବଖାଣୁଛି। ୱେଲଡନ ଲମ୍ବୁ।"
ଏହାପରେ ଅକ୍ସର ପଟେଲ ଟ୍ବିଟ ଈଶାନ୍ତ ଶର୍ମାଙ୍କୁ ଟ୍ବିଟ କରି ଲେଖିଛନ୍ତି ଯେ, "ଈଶାନ୍ତ ଭାଇଙ୍କ 100 ତମ ଟେଷ୍ଟ ମ୍ୟାଚ ପାଇଁ ତାଙ୍କୁ ଶୁଭେଚ୍ଛା। ଏହି ରେକର୍ଡର ହାସଲ କରିବାକୁ ଜଣେ ଯୋଗ୍ୟ କ୍ରିକେଟର।"
ଏହାପରେ ଆଇସିସି ମଧ୍ୟ ବିରାଟ ଈଶାନ୍ତ ଶର୍ମାଙ୍କ ଫଟୋ ସେୟାର କରି ତାଙ୍କୁ ଶୁଭେଚ୍ଛା ଜଣାଇ ଲେଖିଛି ଯେ, "ଈଶାନ୍ତ ଶର୍ମାଙ୍କ 100ତମ ଟେଷ୍ଟ ପାଇଁ ତାଙ୍କୁ ଶୁଭେଚ୍ଛା। ଏହି କିର୍ତ୍ତୀମାନ ହାସଲ କରିବାରେ ସେ ଚତୁର୍ଥ ବୋଲର"