ନୂଆଦିଲ୍ଲୀ: ମୋଟେରାରେ ଚାଲିଥିବା ଭାରତ ଓ ଇଂଲଣ୍ଡ ମଧ୍ୟରେ ତୃତୀୟ ଟେଷ୍ଟ ମ୍ୟାଚରେ ଇଂଲଣ୍ଡ କ୍ରିକେଟ ଦଳ ବ୍ୟାଟିଂ ବିପର୍ଯ୍ୟୟର ସାମ୍ନା କରିଛନ୍ତି । ଏହାକୁ ନେଇ ପୂର୍ବତନ କ୍ରିକେଟରଙ୍କ ସମେତ ବହୁ ଫ୍ୟାନ୍ସ ଇଂଲଣ୍ଡ ଦଳକୁ ସମାଲୋଚନା କରିଛନ୍ତି । ଇଂଲଣ୍ଡ ପ୍ରଥମ ଇନିଂସରେ ମାତ୍ର 49 ଓଭର ଖେଳି 112 ରନ କରିପାରିଛି ।
ଏହାକୁ ନେଇ ଇଂଲଣ୍ଡର ପୂର୍ବତନ କ୍ରିକେଟର ମାଇକେଲ ୱନ କହିଛନ୍ତି ଯେ, "ଇଂଲଣ୍ଡ ଯେଭଳି ବ୍ୟାଟିଂ ପ୍ରଦର୍ଶନ କରିଛି ଲାଗୁଛି ଫ୍ଲଡ ଲାଇଟ ଜଳିବା ପୂର୍ବରୁ ଦଳ ବୋଲିଂ କରିବାକୁ ଉତ୍ସାହିତ ରହିଛି । ଏହି ସିରିଜ ପାଇଁ ଇଂଲଣ୍ଡ ଯେଉଁ ଖେଳାଳି ଚୟନ ହୋଇଛନ୍ତି ସେମାନେ କୌଣସି ଲିଗ ମ୍ୟାଚ ଖେଳିବା ଦରକାର। ଫାଷ୍ଟକ୍ଲାସ ମ୍ୟାଚ ଖେଳିବାକୁ ଦଳକୁ ଆପଣ ବିଶ୍ବର ଶ୍ରେଷ୍ଠ ଦଳ ସହ ଟେଷ୍ଟ ମ୍ୟାଚ ଖେଳିବାକୁ ଛାଡ଼ି ପାରିବେ ନାହିଁ ।"
ଏହାପରେ ଭାରତର ପୂର୍ବତନ ଓପନର ଇଂଲଣ୍ଡ ଟିମକୁ ଟ୍ରୋଲ କରିବାକୁ ଯାଇ ରାହୁଲ ଗାନ୍ଧୀଙ୍କ ଏକ ମଜାଦାର ଭିଡିଓ ସେୟାର କରିଛନ୍ତି। ସେ ଲେଖିଛନ୍ତି ଯେ, "ଇଂଲଣ୍ଡ ଦଳ ଯେଭଳି ଭାବରେ ପଡ଼ିଆକୁ ଓହ୍ଲାଇଲା ଏହି ଭଳି ଭାବରେ ଯିବାକୁ ବାହାରିଥିଲା।"