ମୁମ୍ବାଇ: ଭାରତ ଓ ଇଂଲଣ୍ଡ ମଧ୍ୟରେ ଖେଳା ଯାଇଥିବା ଦ୍ବିତୀୟ ଦିନିକିଆ ମ୍ୟାଚ ଆଦିଲ ରାଶିଦଙ୍କ ଶିକାର ହେଲେ ବିରାଟ କୋହଲି। 66 ରନରେ ବ୍ୟାଟିଂ କରୁଥିବା ବେଳେ ରାଶିଦଙ୍କ ବଲରେ କଟ୍ ବିହାଇଣ୍ଡ ହୋଇଥିଲେ କୋହିଲି। ଏହାକୁ ମିଶାଇ ଅନ୍ତର୍ଜାତୀୟ କ୍ରିକେଟରେ ମୋଟ 9 ଥର ଇଂଲଣ୍ଡର ସ୍ପିନର ଆଦିଲ ରାଶିଦ କୋହଲିଙ୍କୁ ଆଉଟ କରିଛନ୍ତି।
ଭାରତୀୟ ଅଧିନାୟକଙ୍କ ବିରୋଧରେ ଦ୍ବିତୀୟ ସଫଳ ବୋଲର ହୋଇ ପାରିଛନ୍ତି ଆଦିଲ ରାଶିଦ। ମଜାଦାର କଥା ହେଉଛି ଦ୍ବିତୀୟ ଦିନିକିଆରେ 35 ରନରେ ବ୍ୟାଟିଂ କରୁଥିବା ବେଳେ କୋହଲିଙ୍କ ଏକ କ୍ୟାଚ ଛାଡ଼ିଥିଲେ ଜଶ ବଟଲର। ସେହି ସମୟରେ ମଧ୍ୟ ଆଦିଲ ରାଶିଦ ହିଁ ବୋଲିଂ କରୁଥିଲେ।