ଲଣ୍ଡନ: ଭାରତ ବିପକ୍ଷରେ ପ୍ରଥମ ଦୁଇଟି ମ୍ୟାଚ ପାଇଁ ଇଂଲଣ୍ଡ ଦଳ ଘୋଷଣା ହୋଇଛି । ପ୍ରଥମ ଦୁଇଟି ମ୍ୟାଚ ପାଇଁ ଇଂଲଣ୍ଡ ଫାଷ୍ଟ ବୋଲର ଜୋଫ୍ରା ଆର୍ଚରଙ୍କୁ ଦଳରେ ସାମିଲ କରାଯାଇନାହିଁ । ଏହସହ ଇଂଲଣ୍ଡ ଦଳ ପାଇଁ ଖୁସି ଖବର ହେଉଛି ଅଲରାଉଣ୍ଡର ବେନ ଷ୍ଟୋକସ୍ ଦଳରେ ସାମିଲ ହୋଇଛନ୍ତି ।
ଅଗଷ୍ଟ ୪ ତାରିଖରେ ଭାରତ ଓ ଇଂଲଣ୍ଡ ମଧ୍ୟରେ ଟେଷ୍ଟ ସିରିଜ ଆରମ୍ଭ ହେବ । ଆଇପିଏଲ ଖେଳିବା ସମୟରେ ବେନ ଷ୍ଟୋକସଙ୍କ ଆଙ୍ଗୁଠିରେ ଆଘାତ ଲାଗିଥିଲା । ଏହାପରେ ତାଙ୍କ ଆଙ୍ଗୁଠି ଅସ୍ତ୍ରୋପଚାର ହୋଇଥିଲା । ଯାହାଫଳରେ ନ୍ୟୁଜିଲାଣ୍ଡ ବିପକ୍ଷରେ ଟେଷ୍ଟ ସିରିଜରୁ ସେ ବାଦ ପଡ଼ିଥିଲେ ।
ସେହିଭଳି ଇଂଲଣ୍ଡର ଫାଷ୍ଟ ବୋଲର ଜୋଫ୍ରା ଆର୍ଚରଙ୍କ ମଧ୍ୟ ଆଇପିଏଲ ଖେଳିବା ସମୟରେ କହୁଣୀରେ ଆଘାତ ଲାଗିଥିଲା । ଫଳରେ ସେ ଅଧାରୁ ଆଇପିଏଲ ଟୁର୍ଣ୍ଣାମେଣ୍ଟରୁ ଓହରି ଯାଇଥିଲେ । ଏହାପରେ ତାଙ୍କ ଡାହାଣ କହୁଣୀର ଅସ୍ତ୍ରୋପଚାର କରାଯାଇଥିଲା । ତେବେ ବର୍ତ୍ତମାନ ସେ ଏହି ଆହତ ସମସ୍ୟାରୁ ଠିକ ହେବାରେ ଲାଗିଛନ୍ତି ।