ବ୍ରିସବେନ୍ : ନ୍ୟୁଜିଲାଣ୍ଡକୁ ୧୮୦ ରନର ଟାର୍ଗେଟ । ନ୍ୟୁଜିଲାଣ୍ଡ ଆଗରେ ୧୮୦ ରନର ଟାର୍ଗେଟ ରଖିଲା ଇଂଲଣ୍ଡ । ଜସ ବଟଲର ଓ ଆଲେକ୍ସ ହେଲ୍ସଙ୍କ ବିସ୍ଫୋରକ ଅର୍ଦ୍ଧଶତକ ଯୋଗୁଁ ଦଳ ୧୭୯ ରନ କରିଛି । ସୁପର ୧୨ ପର୍ଯ୍ୟାୟରେ ଆଜି ଇଂଲଣ୍ଡ ଓ ନ୍ୟୁଜିଲାଣ୍ଡ ଭଳି ଦୁଇ ଶକ୍ତିଶାଳୀ ଦଳ ମଧ୍ୟରେ ମହାମୁକାବିଲା ଚାଲିଛି । T20 ବିଶ୍ବକପ ଗୃପ ୧ରେ ଇଂଲଣ୍ଡ ଡେଞ୍ଜର ଜୋନରେ ରହିଛି । ତେଣୁ ଇଂଲଣ୍ଡ ଟିମ୍ ପାଇଁ ଏହି ମ୍ୟାଚରେ ବିଜୟୀ ଲାଭ କରିବା ବହୁତ ଗୁରୁତ୍ବ ବହନ କରୁଛି । ତେଣୁ ଆରମ୍ଭରୁ ହିଁ ଓପନିଂ ଯୋଡି ଆକ୍ରମଣ କରିବା ଆରମ୍ଭ କରିଥିଲେ । ଇଂଲଣ୍ଡ ପ୍ରଥମେ ବ୍ୟାଟିଂ କରି ନିର୍ଦ୍ଧାରିତ ୨୦ ଓଭରରେ ୬ ୱିକେଟ ହରାଇ ୧୭୯ କରିଛି ।
ଇଂଲଣ୍ଡ ଟସ୍ ଜିତି ଅଧିନାୟକ ଜସ୍ ବଟଲର୍ ପ୍ରଥମେ ବ୍ୟାଟିଂ ନିଷ୍ପତ୍ତି ନେଇଥିଲେ । ଆରମ୍ଭରୁ ହିଁ ଓପନିଂ ଯୋଡି ଜବରଦସ୍ତ ପାଳି ଆରମ୍ଭ କରିଥିଲେ । ଗୃପ ୧ରେ ଇଂଲଣ୍ଡର ସ୍ଥିତି ଭଲ ନାହିଁ । ଇଂଲଣ୍ଡ ଏପର୍ଯ୍ୟନ୍ତ ୩ ପଏଣ୍ଟ ପାଇ ୪ ନମ୍ବର ସ୍ଥାନରେ ରହିଛି । ବଟଲର ବାହିନୀ ପାଇଁ ଏହି ମ୍ୟାଚ୍ ଟି କର ବା ମର ସଦୃଶ ହୋଇପଡିଛି । ଇଂଲିସ୍ ଟିମକୁ ସେମିରେ ପ୍ରବେଶ କରିବାକୁ ହେଲେ ଏହି ମ୍ୟାଚ ଜିତିବାକୁ ପଡିବ । ତେଣୁ ଆରମ୍ଭର ହିଁ ଓପନିଂ ଯୋଡି ରଣନୀତି ପ୍ରସ୍ତୁତ କରିଥିଲେ । ଉଭୟଙ୍କ ପାର୍ଟନରସିପ ୧୦.୨ ଓଭରରେ ଦଳୀୟ ସ୍କୋର ପାଇଁ ୮୧ ରନ୍ ଯୋଡିଥିଲା । ଏହା ପରେ ଆଲେକ୍ସ ହେଲ୍ସ ୫୨ ରନର ଅର୍ଦ୍ଧଶତକୀୟ ଇନିଂସ ଖେଳି ଆଉଟ ହୋଇଥିଲେ ।