ହାଇଦ୍ରାବାଦ :ଭାରତୀୟ ବୋଲରଙ୍କ ଘାତକ ବୋଲିଂ । ଭାରତ ଆଗରେ ୬୯ ରନର ଟାର୍ଗେଟ ରଖିଲା ଇଂଲିସ ଟିମ । ଅଣ୍ଡର ୧୯ ମହିଳା ଟି୨୦ ବିଶ୍ବକପ । ଆଜି (ରବିବାର) ଭାରତ ବନାମ ଇଂଲଣ୍ଡ ମଧ୍ୟରେ ଅଣ୍ଡର ୧୯ ମହିଳା ଟି୨୦ ବିଶ୍ବକପର ଫାଇନାଲ ମ୍ୟାଚ ଖେଳାଯାଉଛି । ଇଂଲଣ୍ଡ ପ୍ରଥମେ ବୋଲିଂ କରି ୧୭.୧ ଓଭରରେ ୬୮ ରନ କରି ଅଲ ଆଉଟ ହୋଇଛି । ତେବେ ଅଣ୍ଡର ୧୯ ମହିଳା ଟି୨୦ ବିଶ୍ବକପ ଟାଇଟଲ ହାତେଇବାକୁ ହେଲେ ୱେମେନ୍ ଇନ୍ ବ୍ଲୁକୁ ୬୯ ରନ ଆବଶ୍ୟକ ।
ବିଦେଶ ମାଟିରେ କମାଲ କଲେ ଭାରତୀୟ ବୋଲର । ଅଣ୍ଡର ୧୯ ମହିଳା ଟି୨୦ ବିଶ୍ବକପରେ ଭାରତୀୟ ବୋଲର ନିଜର ଦମଦାର ପ୍ରଦର୍ଶନ କରିଛନ୍ତି । ଯାହା ଫଳରେ ଇଂଲିସ ଟିମ ଅଲଆଉଟ ହେବା ସହିତ ୧୭.୧ ଓଭରରେ ମାତ୍ର ୬୮ ରନ କରିବାରେ ସକ୍ଷମ ହୋଇଛି । ଭାରତ ଟସ ଜିତି ଅଧିନାୟିକା ସେଫାଳି ବର୍ମା ପ୍ରଥମେ ବୋଲିଂ ନିଷ୍ପତ୍ତି ନେଇଥିଲେ । ବ୍ୟାଟିଂ ଆମନ୍ତ୍ରଣ ପାଇ ମଇଦାନକୁ ଓହ୍ଲାଇଥିଲା ଇଂଲଣ୍ଡ । ହେଲେ ଭାରତୀୟ ବୋଲରଙ୍କ ଶାଣିତ ବୋଲିଂ ଆଗରେ ଇଂଲଣ୍ଡର ଓପନିଂ ଯୋଡି ଫେଲ ମାରିଥିଲା । ଓପନର ଲିବାର୍ଟି ହିପ ଖାତା ଖୋଲି ନପାରି ଶୂନରେ ଆଉଟ ହୋଇ ଶୀଘ୍ର ପାଭଲିୟନ ଲେଉଟି ଯାଇଥିଲେ । ସେହିପରି ଓପନର ଗ୍ରେସ ସ୍କ୍ରିଭେନ୍ସ ମାତ୍ର ୪ ରନ କରି ଆଉଟ ହୋଇଥିଲେ ।