ହାଇଦ୍ରାବାଦ: ଭାରତ ଇଂଲଣ୍ଡ ମଧ୍ୟରେ ଆଜି(ରବିବାର) ତୃତୀୟ ଟି-୨୦ ମ୍ୟାଚ ଖେଳାଯିବ । ଏନେଇ ଇଂଲଣ୍ଡ ଟସ ଜିତି ପ୍ରଥମେ ବ୍ୟାଟିଂ ପାଇଁ ନିଷ୍ପତ୍ତି ନେଇଛି । ରୋହିତ ବାହିନୀକୁ ଇଂଲଣ୍ଡ ପ୍ରଥମେ ବୋଲିଂ ପାଇଁ ଆମନ୍ତ୍ରଣ କରିଛି । ଭାରତ ଏହି ଟି-୨୦ ସିରିଜରେ ୨-୦ରେ ଆଗୁଆ ରହିଛି । ସେପଟେ ଇଂଲଣ୍ଡ ହାତରୁ ଦୁଇ ଦୁଇଟା ମ୍ୟାଚ ଯିବା ପରେ ଆଜିର ମ୍ୟାଚରେ ବିଜୟ ହାସଲ ପାଇଁ ବଟଲର ବାହିନୀର ଚେଷ୍ଟା ଜାରି ରହିବ । ଇଂଲଣ୍ଡ ବ୍ୟାଟିଂ ଉପରେ ଅଧିକ ଫୋକସ କରିପାରେ ।
ସେପଟେ କ୍ଲିନ୍ ସ୍ବିପ ଲକ୍ଷ୍ୟରେ ରହିବ ରୋହିତ ବାହିନୀ । ଆଜିର ମ୍ୟାଚରେ ଭୁବନେଶ୍ବର କୁମାର , ଜଶପ୍ରୀତ ବୁମରା, ୟୁଜିବେନ୍ଦ୍ର ଚହଲ, ହାର୍ଦ୍ଦିକ ପାଣ୍ଡ୍ୟାଙ୍କୁ ବିଶ୍ରାମ ଦିଆଯାଇଛି । ତାଙ୍କ ବଦଳରେ ଆଜିର ଚୂଡ଼ାନ୍ତ ଏକାଦଶରେ ସ୍ଥାନ ପାଇଛନ୍ତି ଶ୍ରେୟସ ଆୟର, ରବି ବିଷ୍ଣୋଇ, ଆଭେଷ ଖାନ, ଉମରାନ ମଲ୍ଲିକ ।