ରାୱଲପିଣ୍ଡି:ଇଂଲଣ୍ଡ ଦଳର ଚମତ୍କାର ପ୍ରଦର୍ଶନ । ପ୍ରଥମ ଟେଷ୍ଟରେ ପାକିସ୍ତାନକୁ ୭୪ ରନରେ ପରାସ୍ତ କଲା ଇଂଲଣ୍ଡ । ଇଂଲଣ୍ଡର ଦୁଇ ଫାଷ୍ଟ ବୋଲର ଜେମ୍ସ ଆଣ୍ଡରସନ ଓ ଅଲି ରୋବନସନଙ୍କ ଘାତକ ବୋଲିଂରେ ପାକିସ୍ତାନ ବ୍ୟାଟର ଆତ୍ମସମର୍ପଣ କରିଥିଲେ । ଫଳରେ ଇଂନିସର ପଞ୍ଚମ ଦିନରେ ପାକିସ୍ତାନକୁ ଅଲଆଉଟ କରିବାରେ ସଫଳ ରହିଥିଲା ଇଂଲଣ୍ଡ ।
ଇଂଲଣ୍ଡ ଟସ୍ ଜିତି ପ୍ରଥମେ ବ୍ୟାଟିଂ ନିଷ୍ପତ୍ତି ନେଇଥିଲା । ଇଂଲଣ୍ଡ ଦଳ ପ୍ରଥମ ଇନିଂସରେ ୧୦୧ ଓଭରରେ ୬୫୭ ରନ କରି ଅଲଆଉଟ ହୋଇଥିଲା । ଇଂଲଣ୍ଡର ଚାରି ଜଣ ବ୍ୟାଟର ଶତକ ହାସଲ କରି ଦଳୀୟ ସ୍କୋରକୁ ୬୫୭ ରେ ପହଁଞ୍ଚାଇଥିଲେ । ଜ୍ୟାକ୍ କ୍ରାୱଲି ୧୨୨ ରନ, ଡୁକେଟ ୧୦୭ ରନ୍, ଓଲି ପୋପେ ୧୦୮ ରନ୍, ହ୍ୟାରି ବ୍ରୁକ୍ ୧୫୩ ରନ୍ କରି ଆଉଟ ହୋଇଥିଲେ । ସେହିପରି ପାକିସ୍ତାନ ମଧ୍ୟ ପ୍ରଥମ ଇନିଂସରେ ୧୫୫.୩ ଓଭରରେ ୫୭୯ ରନ କରି ଅଲ ଆଉଟ ହୋଇଥିଲା । ପାକିସ୍ତାନର ମଧ୍ୟ ୩ ଜଣ ବ୍ୟାଟର ଶତକ ହାସଲ କରି ଦଳୀୟ ସ୍କୋରକୁ ୫୭୯ ରନରେ ପହଁଞ୍ଚାଇଥିଲେ । ଅଧିନାୟକ ବାବର ଆଜମ ୧୩୬ ରନ୍, ଇମାମ ଉଲ ହକ୍ ୧୨୧ ରନ୍, ଶାଫିକ୍ୟୁ ୧୧୪ ରନ୍ କରିଥିଲେ ।