ହାଇଦ୍ରାବାଦ: ଜାଆଁଳା ସନ୍ତାନର ପିତା ହେଲେ ଭାରତୀୟ ୱିକେଟ କିପର ବ୍ୟାଟର ଦିନେଶ କାର୍ତ୍ତିକ । ଗୁରୁବାର ଜାଆଁଳା ପୁଅ ଜନ୍ମ ହୋଇଥିବା ନେଇ ସୋସିଆଲ ମିଡିଆରେ ଘୋଷଣା କରିଛନ୍ତି କାର୍ତ୍ତିକ ।
ଫ୍ୟାନ୍ସଙ୍କ ପାଇଁ ଟ୍ବିଟରରେ ଏହି ଖୁସି ଖବର ସେୟାର କରିଛନ୍ତି କାର୍ତ୍ତିକ । ଏଥିସହ ପତ୍ନୀ ଦୀପିକା ପାଲିକଲଙ୍କ ସହିତ ନବଜାତ ଦୁଇ ଶିଶୁ ପୁତ୍ରଙ୍କ ଫଟୋ ମଧ୍ୟ ସେୟାର କରିଛନ୍ତି ।
ଦୁଇ ପୁଅଙ୍କ ନାମ ମଧ୍ୟ କାର୍ତ୍ତିକ ଏହି ପୋଷ୍ଟରେ ଲେଖିଛନ୍ତି କବିର ପାଲିକଲ କାର୍ତ୍ତିକ, ଜିଆନ ପାଲିକଲ କାର୍ତ୍ତିକ ବୋଲି ଉଲ୍ଲେଖ କରିଛନ୍ତି ।
ନିକଟରେ ଦିନେଶ କାର୍ତ୍ତିକ UAEରେ କୋଲକାତା ନାଇଟ ରାଇଡର୍ସ(KKR) ପକ୍ଷରୁ ଇଣ୍ଡିଆନ ପ୍ରିମିୟର ଲିଗ୍(IPL)ରେ ନଜର ଆସିଥିଲେ । ଟୁର୍ଣ୍ଣାମେଣ୍ଟର ଫାଇନାଲରେ ପହଞ୍ଚିଥିଲା କାର୍ତ୍ତିକଙ୍କ କୋଲକାତା ଟିମ । ତେବେ ଫାଇନାଲରେ ଚେନ୍ନାଇ ସୁପର କିଙ୍ଗ୍ସ(CSK) ଠାରୁ ୨୭ ରନ୍ର ପରାସ୍ତ ହୋଇ ରନର୍ସଅପ୍ରେ ସନ୍ତୁଷ୍ଟ ହୋଇଥିଲା KKR ।
ବ୍ୟୁରୋ ରିପୋର୍ଟ, ଇଟିଭି ଭାରତ
