ମୁମ୍ବାଇ: IPL ୨୦୨୧ ସିଜିନର ଅବଶିଷ୍ଟ ମ୍ୟାଚ ସେପ୍ଟେମ୍ବର ୧୯ ତାରିଖରୁ ଆରମ୍ଭ ହେବ । ଏହାକୁ ନେଇ ଆଇପିଏଲ ଟ୍ବିଟର ଆକାଉଣ୍ଟରେ ନୂଆ ପ୍ରୋମୋ ରିଲିଜ ହୋଇଛି । ଯେଉଁଠି କ୍ୟାପଟେନ କୁଲଙ୍କ ମହେନ୍ଦ୍ର ସିଂହ ଧୋନିଙ୍କୁ ନୂଆ ଅବତାରରେ ଦେଖିବାକୁ ମଳିଛି । ଭାରତରେ କୋରୋନା ସଂକ୍ରମଣ ଯୋଗୁଁ ଅଧାରୁ ଆଇପିଏଲକୁ ବନ୍ଦ କରିବାକୁ ପଡ଼ିଥିଲା । ଅବଶିଷ୍ଟ ମ୍ୟାଚ ଦୁବାଇରେ ଖେଲାଯିବାକୁ ନିଷ୍ପତ୍ତି ହୋଇଛି ।
ଏଥିପାଇଁ ପୂର୍ବତନ ଭାରତୀୟ ଅଧିନାୟକ ଧୋନିଙ୍କୁ ନେଇ ନୂଆ ପ୍ରୋମୋ ରିଲିଜ କରାଯାଇଛି । ଏଥିରେ ଧୋନିଙ୍କ ଷ୍ଟାଇଲିସ ଫ୍ଲାମବୟାଣ୍ଟ ହେୟାର ଷ୍ଟାଇଲ ଦେଖିବାକୁ ମିଳିଛି । ତା ସାଙ୍ଗକୁ ଧୋନିଙ୍କ ଦମଦାର ଡାଇଲଗ ସହ ପ୍ରୋମୋରେ ଅବଶିଷ୍ଟ ଆଇପିଏଲ ମ୍ୟାଚ ମଜା ବିଷୟରେ ଲୋକଙ୍କୁ ବୁଝାଯାଉଛି । IPL ୨୦୨୧କୁ ଏକ ଫିଲ୍ମ ବୋଲି ଏଥିରେ ଦର୍ଶାଯାଇଛି । ଯାହାର ଗୋଟିଏ ଭାଗ ଶେଷ ହୋଇଥିବା ବେଳେ ଆଉ ଗୋଟିଏ ଭାଗ ବାକି ଅଛି ବୋଲି କହିଛନ୍ତି ମହେନ୍ଦ୍ର ସିଂହ ଧୋନି ।