ମୁମ୍ବାଇ:ଚଳିତ ଆଇପିଏଲ (IPL 2022) ଟୁର୍ଣ୍ଣାମେଣ୍ଟର ୩୪ତମ ମ୍ୟାଚ୍ ରାଜସ୍ଥାନ ରୟାଲ୍ସ ଓ ଦିଲ୍ଲୀ କ୍ୟାପିଟାଲ୍ସ ମଧ୍ୟରେ ଖେଳାଯାଉଛି । ଦିଲ୍ଲୀ କ୍ୟାପିଟାଲ୍ସ କ୍ୟାପଟେନ ଋଷଭ ପନ୍ତ ଟସ୍ ଜିତି ପ୍ରଥମେ ବୋଲିଂ ନିଷ୍ପତ୍ତି ନେବା ସହ ରାଜସ୍ଥାନକୁ ବ୍ୟାଟିଂ ଆମନ୍ତ୍ରଣ କରିଛନ୍ତି ।
ବର୍ତ୍ତମାନ ସୁଦ୍ଧା ଉଭୟ ଦଳ ଟୁର୍ଣ୍ଣାମେଣ୍ଟରେ ୬ଟି ଲେଖାଏଁ ମ୍ୟାଚ୍ ଖେଳି ସାରିଛନ୍ତି । ରାଜସ୍ଥାନ ରୟାଲ୍ସ ୪ଟି ମ୍ୟାଚ୍ରେ ବିଜୟ ହାସଲ କରି ତୃତୀୟ ସ୍ଥାନରେ ରହିଥିବା ବେଳେ ଦିଲ୍ଲୀ କ୍ୟାପିଟାଲ୍ସ ୩ଟି ମ୍ୟାଚ୍ରେ ବିଜୟ ହାସଲ କରି ଷଷ୍ଠ ସ୍ଥାନରେ ରହିଛି । ଆଜିର ମ୍ୟାଚ୍ରେ ବିଜୟ ହାସଲ କରି ଉଭୟ ଦଳ ବିଜୟ ଧାରା ବଜାୟ ରଖିବାକୁ ଚେଷ୍ଟା କରିବେ ।
ଆଜିର ମ୍ୟାଚ୍ ପାଇଁ ଉଭୟ ଦଳରେ କୌଣସି ଖେଳାଳି ପରିବର୍ତ୍ତନ ହୋଇ ନାହାନ୍ତି । ଦିଲ୍ଲୀ କ୍ୟାମ୍ପରେ କୋରୋନା ସଂକ୍ରମଣ ଲାଗି ରହିଥିବା ବେଳେ ବିଜୟଧାରା ବଜାୟ ଲକ୍ଷ୍ୟରେ ରହିବ ପନ୍ତଙ୍କ ଦଳ । ସେପଟେ ରାଜସ୍ଥାନ ମଧ୍ୟ ଆଜିର ମ୍ୟାଚ୍ରେ ଶକ୍ତି ପ୍ରଦର୍ଶନ କରିବ ବୋଲି କହିଛନ୍ତି ଅଧିନାୟକ ସଞ୍ଜୁ ସାମସନ ।