ମୁମ୍ବାଇ: ପୁଣି ଥରେ କୋରୋନା ସଙ୍କଟରେ IPL 2022 । ପୂର୍ବରୁ ଦିଲ୍ଲୀ କ୍ୟାପିଟାଲ୍ସର ଫିଜିଓ କୋରୋନା ସଂକ୍ରମିତ ହୋଇଥିଲେ । ସେ ବର୍ତ୍ତମାନ କ୍ବାରେଣ୍ଟିନରେ ରହିଥିବା ବେଳେ ଅଲ୍ରାଉଣ୍ଡର ମିଚେଲ ମାର୍ଶଙ୍କ ସହ ଟିମ୍ ଡାକ୍ତର ଅନ୍ୟ ଜଣେ ସପୋର୍ଟ ଷ୍ଟାଫ୍ କୋରୋନା ସଂକ୍ରମିତ ହୋଇଥିବା ସୂଚନା ମିଳିଛି ।
ମିଚେଲ ମାର୍ଶଙ୍କ କୋଭିଡ RTPCR ରିପୋର୍ଟ ପଜିଟିଭି ଆସିଥିଲା । ତାଙ୍କ ଦେହରେ କୋରୋନା ସ୍ବଳ୍ପ ଲକ୍ଷଣ ଦେଖା ଦେଇଥିଲା । ଏହାପରେ ତାଙ୍କ ସ୍ବାସ୍ଥ୍ୟ ଅଧିକ ଖରାପ ହେବାରୁ ତାଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି । ଏହାକୁ ନେଇ ଦିଲ୍ଲୀ ଫ୍ରାଞ୍ଚାଇଜି ପକ୍ଷରୁ ଟ୍ବିଟ୍ କରି ସୂଚନା ଦିଆଯାଇଛି । ତେବେ ଟିମ୍ ଡାକ୍ତର ଅଭିଜିତ ସାଲ୍ଭେ ଓ ଅନ୍ୟ ଜଣେ ସପୋର୍ଟ ଷ୍ଟାଫ୍ଙ୍କ କୌଣସି କୋରୋନା ଲକ୍ଷଣ ନାହିଁ । ବର୍ତ୍ତମାନ ଦିଲ୍ଲୀ କ୍ୟାପିଟାଲ୍ସ ସମସ୍ତ ସଦସ୍ୟ ନିଜ ନିଜ ରୁମ୍ରେ କ୍ବାରେଣ୍ଟିନ୍ରେ ରହିଛନ୍ତି ।