ଦିଲ୍ଲୀ: ଏପ୍ରିଲ ୨୦ ତାରିଖରେ ପଞ୍ଜାବ କିଙ୍ଗ୍ସ(PBKS) ଓ ଦିଲ୍ଲୀ କ୍ୟାପିଟାଲ୍ସ(DC) ମଧ୍ୟରେ ହେବାକୁ ଥିବା ମ୍ୟାଚ୍ର ଭେନ୍ୟୁ ପରିବର୍ତ୍ତନ ହୋଇଛି । ଦିଲ୍ଲୀ କ୍ୟାପିଟାଲ୍ସର ଅଲରାଉଣ୍ଡର ମିଚେଲ ମାର୍ଶ ଓ ଦୁଇଜଣ ସପୋର୍ଟ ଷ୍ଟାଫ୍ଙ୍କୁ ମିଶାଇ ମୋଟ ୫ ଜଣ କୋଭିଡ ସଂକ୍ରମିତ ହେବା ପରେ ଏହି ମ୍ୟାଚ୍ ହେବ କି ନାହିଁ ଆଶଙ୍କା ଲାଗି ରହିଥିଲା । ତେବେ ମ୍ୟାଚ୍ ଖେଳାଯିବ ବୋଲି ସ୍ପଷ୍ଟ କରିଛନ୍ତି BCCI ସମ୍ପାଦକ ଜୟ ଶାହା ।
ତେବେ ଦିଲ୍ଲୀ କ୍ୟାମ୍ପରେ କୋରୋନା ସଂକ୍ରମଣ ଚିନ୍ତା ବଢାଇଛି । ବର୍ତ୍ତମାନ ସୁଦ୍ଧା ୫ଜଣ ଖେଳାଳି ବା ସପୋର୍ଟ ଷ୍ଟାଫ୍ କୋରୋନା ସଂକ୍ରମିତ ହୋଇ ସାରିଛନ୍ତି । ଫଳରେ ଦିଲ୍ଲୀ ଓ ପଞ୍ଜାବ ମଧ୍ୟରେ ଏପ୍ରିଲ ୨୦ରେ ଖେଳାଯିବାକୁ ଥିବା ମ୍ୟାଚ୍ର ଭେନ୍ୟୁ ପୁନେର MCA ଷ୍ଟାଡିୟମ ପରିବର୍ତ୍ତେ ମୁମ୍ବାଇର ବ୍ରାବୋର୍ଣ୍ଣ ଷ୍ଟାଡିୟମରେ ଖେଳାଯିବା ନେଇ ଘୋଷଣା କରାଯାଇଛି ।