କଲମ୍ବୋ: ଗାୟକ ସାଜିଲେ ଭାରତୀୟ କ୍ରିକେଟ ଟିମର ଅଲରାଉଣ୍ଡର ଦୀପକ ଚହର । ଅଚାନକ କ୍ରିକେଟ ଜଗତରେ ଚର୍ଚ୍ଚାରେ ରହିଛନ୍ତି ଭାରତୀୟ ଅଲରାଉଣ୍ଡର ଦୀପକ ଚହର । ଶ୍ରୀଲଙ୍କା ଓ ଭାରତ ମଧ୍ୟରେ ଚାଲିଥିବା ଦିନିକିଆ ସିରିଜରେ ଭାରତ ବିଜୟ ହୋଇଛି । ପ୍ରଥମ ମ୍ୟାଚରେ ୭ ୱିକେଟରେ ବିଜୟୀ ହେବାପରେ ଦ୍ବିତୀୟ ମ୍ୟାଚକୁ ୩ ୱିକେଟରେ ବିଜୟୀ ହୋଇଥିଲା ଭାରତ । ଏଥିରେ ଅଲରାଉଣ୍ଡର ଦୀପକ ଚହର ପ୍ରମୁଖ ଭୁମିକା ଗ୍ରହଣ କରିଥିଲେ ।
୨୭୬ ରନ ବିଜୟ ଲକ୍ଷ୍ୟ ପିଛା କରି ଭାରତ ୧୯୩ ରନରେ ୭ଟି ୱିକେଟ ହରାଇଥିଲା । ଏହି ସମୟରେ ଦୀପକ ଚହର ଧୈର୍ଯ୍ୟର ସହ ଖେଳି ଗୁରୁତ୍ବପୂର୍ଣ୍ଣ ୬୯ ରନ କରିଥିଲେ । ଯାହାଫଳରେ ଭାରତ ସିରିଜ କବଜା କରି ପାରିଥିଲା । ଏହାପରେ ବର୍ତ୍ତମାନେ ସେ ଫାଷ୍ଟ ବୋଲର ଦୀପକ ଚହରୁ ଅଲରାଉଣ୍ଡର ଦୀପକ ଚହର ପାଲଟିଛନ୍ତି । ତେବେ ତୃତୀୟ ଦିନିକିଆ ପୂର୍ବରୁ ତାଙ୍କ ହାତରେ ଏକ ଗିଟାର ଦେଖିବାକୁ ମିଳିଥିଲା । ଦୀପକ ଚହର ଗିଟାର ବଜାଇବା ସହ ଏହାର ତାଳେତାଳେ ୯୦ ଦଶକର ଏକ ରୋମାଣ୍ଟିକ ଗୀତ ଗୁଣୁଗୁଣାଉଥିବା ଦେଖିବାକୁ ମିଳିଛି ।