ମୁମ୍ବାଇ: ଜାରି ରହିଥିବା ମହିଳା ପ୍ରିମିୟର ଲିଗରେ ଶନିବାର ଦିଲ୍ଲୀ କ୍ୟାପିଟାଲ୍ସ ଏବଂ ଗୁଜୁରାଟ ଜିଆଣ୍ଟ୍ସ ମଧ୍ୟରେ ଲାଗିଥିବା ମ୍ୟାଚ୍ରେ ଗୁଜୁରାଟକୁ ୧୦ ୱିକେଟରେ ହରାଇଛି ଦିଲ୍ଲୀ କ୍ୟାପିଟାଲ୍ସ । ଏହି ମ୍ୟାଚ୍ରେ ଦିଲ୍ଲୀର ପ୍ରାରମ୍ଭିକ ବ୍ୟାଟର ଶେଫାଳି ବର୍ମାଙ୍କ ଧୂଆଁଧାର ୨୮ ବଲରେ ୭୬ ରନର ଇନିଂସ ବଳରେ ଗୁଜୁରାଟ ଧରାଶାୟୀ ହୋଇଛି ।
ମହିଳା ପ୍ରିମ୍ୟର ଲିଗ୍ରେ ଆଜିର ମ୍ୟାଚ୍ ଡଃ ଡିୱାଇ ପାଟିଲ ଷ୍ଟାଡମୟମରେ ଦିଲ୍ଲୀ କ୍ୟାପିଟାଲ୍ସ ଓମେନ ଏବଂ ଗୁଜୁରାଟ ଜିଆଣ୍ଟ୍ସ ମଧ୍ୟରେ ଖେଳାଯାଇଥିଲା । ଏଥିରେ ପ୍ରଥମରୁ ହିଁ ଗୁଜୁରାଟ ବ୍ୟାଟିଂ କ୍ରମରେ ବିପର୍ଯ୍ୟୟ ଦେଖାଦେଇଥିଲା । ଉଭୟ ପ୍ରାରମ୍ଭିକ ବ୍ୟାଟରଙ୍କୁ କ୍ଲିନ ବୋଲ୍ଡ କରିଥିଲେ ଦିଲ୍ଲୀର ମାରିଜାନେ କପ୍ । ଉଭୟ ବ୍ୟାଟର ଦଳକୁ ନିରାଶ କରିବା ପରେ ହରଲିନ ଦେଓଲ କିଛି ସମୟ ପିଚ୍ରେ ରହିଥିଲେ । କିନ୍ତୁ ଅନ୍ୟପଟେ ଗୁଜୁରାଟର ବିପର୍ଯ୍ୟୟ ଘଟି ଚାଲିଥିଲା । ହରଲିନ ୧୪ ବଲରୁ ୪ଟି ଚୌକା ସହିତ ୨୦ ରନ ସଂଗ୍ରହ କରି କପ୍ଙ୍କ ଶିକାର ହୋଇଥିଲେ । ଅନ୍ୟମାନଙ୍କ ମଧ୍ୟରେ ୱାରେହାମ ୨୨, ତନୁଜା କନ୍ୱର ୧୩ ଓ କିମ ଗର୍ଥ ସର୍ବାଧିକ ଅପରାଜିତ ୩୨ ରନ ସଂଗ୍ରହ କରିଥିଲେ । ଅନ୍ୟ କୌଣସି ବ୍ୟାଟର ଦୁଇ ଅଙ୍କ ବିଶିଷ୍ଠ ସ୍କୋର କରିପାରିନଥିଲେ । ଅନ୍ୟପଟେ ଦିଲ୍ଲୀର ମାରିଜାନେ କପ୍ ୪ ଓଭରରେ ୧୫ ରନ ବ୍ୟୟ କରି ୫ ୱିକେଟ ହାସଲ କରିଥିଲେ । ତାଙ୍କ ସହ ଶିଖା ପାଣ୍ଡେ ୩ଟି ଓ ରାଧା ଯାଦବ ଗୋଟିଏ ସଫଳତା ହାସଲ କରିଥିଲେ । ଫଳରେ ଗୁଜୁରାଟ ନିର୍ଦ୍ଧାରିତ ୨୦ ଓଭରରେ ୯ ୱିକେଟ ହରାଇ ମାତ୍ର ୧୦୫ ରନ ସଂଗ୍ରହ କରିଥିଲା ।