କଲମ୍ବୋ: ଶ୍ରୀଲଙ୍କା କ୍ରିକେଟର ଦନୁଷ୍କା ଗୁଣତିଲକଙ୍କୁ ବହିଷ୍କାର କରିଛି ଶ୍ରୀଲଙ୍କା କ୍ରିକେଟ (Danushka Gunathilaka suspended by Sri Lanka Cricket)। ଦନୁଷ୍କା ଗୁଣତିଲକଙ୍କ ନାମରେ ଦୁଷ୍କର୍ମ ଅଭିଯୋଗ ହେବା ପରେ ଶ୍ରୀଲଙ୍କା କ୍ରିକେଟ ବୋର୍ଡ ତାଙ୍କୁ ସମସ୍ତ ଫର୍ମାଟରୁ ନିଲମ୍ବିତ କରିଛି । ଅଷ୍ଟ୍ରେଲିଆରେ ଜଣେ ମହିଳା, ଦନୁଷ୍କା ଗୁଣତିଲକଙ୍କ ନାମରେ ଦୁଷ୍କର୍ମ ଅଭିଯୋଗ ଆଣିଥିଲେ । ଅଭିଯୋଗ ଆଧାରରେ ସିଡନୀ ପୋଲିସ ତାଙ୍କୁ ଗିରଫ କରିଥିଲା । ଏହାପରେ ଶ୍ରୀଲଙ୍କା କ୍ରିକେଟ ଏହି ନିଷ୍ପତ୍ତି ନେଇଥିବା କହିଛି ।
ଅଷ୍ଟ୍ରେଲିଆରେ ଚାଲିଥିବା ଟି-ଟ୍ବେଣ୍ଟି ବିଶ୍ବକପ ପାଇଁ ଶ୍ରୀଲଙ୍କା ଦଳ ସହ ଅଷ୍ଟ୍ରେଲିଆ ଗସ୍ତ କରିଥିଲେ ଦନୁଷ୍କା । ସେଠାରେ ଜଣା ମହିଳା ତାଙ୍କ ନାମରେ ଦୁଷ୍କର୍ମ ଅଭିଯୋଗ କରିଥିଲେ । ଏହାପରେ ସିଡନୀ ପୋଲିସ ତାଙ୍କୁ ଗରିଫ କରିଥିଲା । ବିଶ୍ବକପରୁ ବାଦ ପଡି ଶ୍ରୀଲଙ୍କା ଦଳ ସ୍ବଦେଶ ଫେରିଥିଲେ ସୁଦ୍ଧା ଗୁଣତିଲକ ଫେରି ନହାନ୍ତି । ଦନୁଷ୍କା ଗୁଣତିଲକ ଗିରଫ ହେବାପରେ ଶ୍ରୀଲଙ୍କା କ୍ରିକେଟ କାର୍ଯ୍ୟକାରୀ କମିଟି ତୁରନ୍ତ କାର୍ଯ୍ୟାନୁଷ୍ଠାନ ଗ୍ରହଣ କରିଛି । ସମସ୍ତ ଫର୍ମାଟରୁ ଦନୁଷ୍କାଙ୍କୁ ନିଲମ୍ବିତ କରିଛି । ଆଗକୁ କୌଣସି ମ୍ୟାଚ ନେଇ ତାଙ୍କୁ ସୁଯୋଗ ଦିଆଯିବ ନାହିଁ । 31ବର୍ଷୀୟ ଦନୁଷ୍କା ଚଳିତ ଟି-ଟ୍ବେଣ୍ଟି ବିଶ୍ବକପର କିଛି ମ୍ୟାଚ ଖେଳିଥିଲେ । ଆହତ କାରଣରୁ ଦଳରେ ଥିଲେ ମାତ୍ର ମ୍ୟାଚ ଖେଳିନଥିଲେ ।