ମୁମ୍ବାଇ:ଦେଶର ବ୍ୟବସାୟୀକ ରାଜଧାନୀ ମୁମ୍ବାଇରେ ସୋମବାର ବର୍ଷର ପ୍ରଥମ ବାତ୍ୟା ତାଉ'ତେ ତାଣ୍ଡବ ରଚିଛି । ସୁଉଚ୍ଚ ଅଟ୍ଟାଳିକା ଗୁଡିକରେ ମଧ୍ୟ ତାଉ'ତେ ପ୍ରଭାବ ଅନୁଭୁତ ହୋଇଛି । ପବନର ବେଗ ଏତେ ଥିଲା ଯେ, ବିଏମସି ପକ୍ଷରୁ କାହାରିକୁ ଘରୁ ନ ବାହାରିବାକୁ ନିର୍ଦ୍ଦେଶ ଦିଆଯାଇଥିଲା ।
ଏପରିକି ଐତିହାସିକ ୱାଙ୍ଖେଡେ ଷ୍ଟାଡିୟମକୁ ମଧ୍ୟ ଏହାର ପ୍ରଭାବରୁ ବାଦ ପଡିନଥିଲା । ପବନର ମାତ୍ରା ଏତେ ଥିଲା ଯେ, ଷ୍ଟାଡିୟମରେ ପ୍ରେସ ବକ୍ସ ତଳେ ଥିବା 16 ଫୁଟ ଲମ୍ବାର ସାଇଟସ୍କ୍ରିନ ପବନ ମାଡରେ ଚୁରମାର ହୋଇ ତଳେ ପଡିଯାଇଥିଲା ।
ତେବେ ଏହା ପ୍ରଥମ ଥର ନୁହେଁ ବୋଲି ମୁମ୍ବାଇ କ୍ରିକେଟ ଆସୋସିଏସନ ପକ୍ଷରୁ କୁହାଯାଇଛି । 2011 ବିଶ୍ବକପ ସମୟରେ ମଧ୍ୟ ଏହା ପଡିଯାଇ ନଷ୍ଟ ହୋଇଥିଲା ।