World Cup 2023: ହଜମ ହେଉନି ଭାରତଠୁ ପରାଜୟ, ଆଇସିସି ନିକଟରେ PCBର ଅଭିଯୋଗ

ଭାରତ ପାକିସ୍ତାନ ବିଶ୍ବକପ ମ୍ୟାଚରେ ପାକିସ୍ତାନ ପ୍ରଶଂସକ ଓ ସାମ୍ବାଦିକଙ୍କୁ ଭିସା ନମିଳିବା ନେଇ ଆଇସିସି ନିକଟରେ ଅଭିଯୋଗ କରିଛି ପିସିବି । ଅଧିକ ପଢ଼ନ୍ତୁ

ଦାଇଦ୍ରାବାଦ: ଦିନିକିଆ କ୍ରିକେଟ ବିଶ୍ବକପ 2023ରେ ଭାରତ ବିପକ୍ଷରେ ପରାସ୍ତ ହେବା ପରେ ପାକିସ୍ତାନ କ୍ରିକେଟ ବୋର୍ଡରେ ରାଗରେ ଗରଗର ହେଉଛି । ପରାଜୟକୁ ସହଜରେ ଗ୍ରହଣ କରିପାରୁନାହିଁ । ଅକ୍ଟୋବର 14 ତାରିଖରେ ଅହମ୍ମଦାବାଦର ନରେନ୍ଦ୍ର ମୋଦି ଷ୍ଟାଡିୟମରେ ଭାରତ ଓ ପାକିସ୍ତାନ ମଧ୍ୟରେ ଏକ ମ୍ୟାଚ ଖେଳାଯାଇଥିଲା । ଏଥରେ ପାକିସ୍ତାନର ମାତ୍ର 2ରୁ 3 ଜଣ ପ୍ରଶଂସକ ଥିଲେ । ବାକି ଘରୋଇ ଦର୍ଶକରେ ଭରି ଯାଇଥିଲା 1 ଲକ୍ଷ 32 ହଜାର ଦର୍ଶକ କ୍ଷମତା ଥିବା ଷ୍ଟାଡିୟମ ଭରି ଯାଇଥିଲା । ଭାରତ-ପାକିସ୍ତାନ ମ୍ୟାଚରେ ଦର୍ଶକଙ୍କ ବ୍ୟବହାର ଓ ପାକିସ୍ତାନ ପ୍ରଶଂସକଙ୍କୁ ଭିସା ଦେବାରେ ଅଯଥା ବିଳମ୍ଭ କରାଯାଇଥିବା କହି ପାକିସ୍ତାନ କ୍ରିକେଟ ବୋର୍ଡ ଆଇସିସି ନିକଟରେ ଅଭିଯୋଗ କରିଛି ।

ଅହମ୍ମଦାବାଦରେ ଅନୁଷ୍ଠିତ ଭାରତ-ପାକିସ୍ତାନ ହାଇଭୋଲ୍ଟେଜ ମ୍ୟାଚରେ ପାକିସ୍ତାନକୁ ଟାର୍ଗେଟ କରି ଦର୍ଶକମାନେ ବିଭିନ୍ନ ନାରା ଦେଇଥିବା ଦେଖିବାକୁ ମିଳିଥିଲା । ଏ ନେଇ ପାକିସ୍ତାନ କ୍ରିକେଟ ବୋର୍ଟ ପକ୍ଷରୁ ଅନ୍ତର୍ଜାତୀୟ କ୍ରିକେଟ ପରିଷଦ (ଆଇସିସି) ନିକଟରେ ଆନୁଷ୍ଠାନିକ ଭାବେ ଅଭିଯୋଗ କରିଛି । ମ୍ୟାଚ ବେଳେ ଘଟିଥିବା କିଛି ଘଟଣାକୁ ନେଇ ଅସନ୍ତୋଷ ବ୍ୟକ୍ତ କରିଛି ପିସିବି । ବିଶ୍ବକପ ଖବର ସଂଗ୍ରହ କରିବାକୁ ଚାହୁଁଥିବା ସାମ୍ବାଦିକ ସହିତ ମ୍ୟାଚ ଦେଖିବାକୁ ନେଇ ପାକିସ୍ତାନ ପ୍ରଶଂସକଙ୍କୁ ବିଳମ୍ବରେ ଭିସା ଦେବା ଓ ମ୍ୟାଚ୍‌ ସମୟରେ ଦର୍ଶକଙ୍କ ବ୍ୟବହାରକୁ ନେଇ ଆଇସିସି ନିକଟରେ ଅଭିଯୋଗ କରିଛି ।

ଏହି ଘଟଣାକୁ ନେଇ ପୂର୍ବତନ ପାକିସ୍ତାନ ସ୍ପିନର ଦାନିସ କାନରିଆ ପିସିବିକୁ ଟାର୍ଗେଟ କରି କହିଛନ୍ତି, ମିକି ଆଥରଙ୍କୁ କିଏ କହିଥିଲା ଆଇସିସି ଇଭେଣ୍ଟକୁ ବିସିସିଆଇ ଇଭେଣ୍ଟ । ରିଜୱାନଙ୍କୁ ଗ୍ରାଉଣ୍ଡରେ ନମାଜ ପାଠ କରିବାକୁ କିଏ କହିଥିଲା । ଅନ୍ୟମାନଙ୍କ କଥାରୁ ଭୁଲ ବାହାର କର ନାହିଁ ।''

ପ୍ରକାଶ ଥାଉ କି, ଗତ ଅକ୍ଟୋବର 14 ତାରିଖରେ ଅହମ୍ମଦାବାଦର ନରେନ୍ଦ୍ର ମୋଦି ଷ୍ଟାଡିୟମରେ ଭାରତ ଓ ପାକିସ୍ତାନ ମଧ୍ୟରେ ଏକ ମ୍ୟାଚ ଖେଳାଯାଇଥିଲା । ଏଥିରେ ପାକିସ୍ତାନକୁ 7 ୱିକେଟରେ ପରାସ୍ତ କରିଥିଲା ରୋହିତ ସେନା । ଟସ୍‌ ଜିତି ପ୍ରଥମେ ଫିଲ୍ଡିଂ ନିଷ୍ପତ୍ତି ନେଇଥିଲେ ଅଧିନାୟକ ରୋହିତ ଶର୍ମା । ବ୍ୟାଟିଂ ଆମନ୍ତ୍ରଣ ପାଇଥିବା ପାକିସ୍ତାନ ବିପର୍ଯ୍ୟୟର ସମ୍ମୁଖୀନ ହୋଇଥିଲା । ଭାରତୀୟ ବୋଲରଙ୍କ ଘାତକ ବୋଲିଂରେ ମାଟି କାମୁଡ଼ିଥିଲା ବାବରବାହିନୀ । 42.5 ଓଭର ଖେଳି ପାକିସ୍ତାନ 191 ରନ୍‌ରେ ଅଲଆଉଟ୍‌ ହୋଇଥିଲା । 192 ରନ୍‌ ବିଜୟ ଲକ୍ଷ୍ୟ ନେଇ ପାଳି ଆରମ୍ଭ କରିଥିବା ଭାରତ 30 ଓଭରରେ ଲକ୍ଷ୍ୟ ହାସଲ କରି ନେଇଥିଲା । 7 ୱିକେଟ୍‌ରେ ବାଜି ମାରି ନେଇଥିଲା ଟିମ୍‌ ଇଣ୍ଡିଆ । ଅଧିନାୟକ ରୋହିତ ଶର୍ମା ବିସ୍ଫୋରକ ଅର୍ଦ୍ଧଶତକ ହାସଲ କରିଥିଲେ । ଯଶପ୍ରୀତ ବୁମରା ପ୍ଲେୟାର ଅଫ୍‌ ଦି ମ୍ୟାଚ୍‌ ବିବେଚିତ ହୋଇଥିଲେ । ଏହା ପରେ ମ୍ୟାଚ ପରେ ବିଭିନ୍ନ ଖଟଣାବଳୀ ସାମ୍ନାକୁ ଆସିଛି ।