ହାଇଦ୍ରାବାଦ:ବିଶ୍ବକପରେ ଭାରତର ଠାରୁ ପରାଜୟ ପରେ ଆଉ ବିଜୟଧାରାକୁ ଫେରିବାରେ ସକ୍ଷମ ହୋଇପାରୁନାହିଁ ପାକିସ୍ତାନ । କ୍ରମଶଃ ଗୋଟିଏ ପରେ ଗୋଟିଏ ମ୍ୟାଚ୍ରେ ପରାଜିତ ହେଉଥିବା ବେଳେ ଅଧିନାୟକ ବାବର ଆଜମଙ୍କୁ ସୋସିଆଲ ମିଡିଆରେ ଟ୍ରୋଲ କରାଯାଉଛି । ଏହାରି ମଧ୍ୟରେ ନିଜ ପ୍ରିୟ ଖେଳାଳିଙ୍କ ବିଷୟରେ ଗଣମାଧ୍ୟମରେ କହିଛନ୍ତି ବାବର । ଭାରତର ଅଧିନାୟକ ରୋହିତ ଶର୍ମା, ବିରାଟ କୋହଲି ଓ ନ୍ୟୁଜିଲାଣ୍ଡର ଖେଳାଳି କେନ ୱିଲିୟମସନ ବାବାରଙ୍କ ପ୍ରିୟ ଖେଳାଳି । ଏହି ତିନି ଜଣ ବିଶ୍ବର ସବୁଠାରୁ ଭଲ ଖେଳାଳି ବୋଲି ଗଣମାଧ୍ୟମରେ ସାକ୍ଷାତକାର ସମୟରେ କହିଛନ୍ତି ବାବର ଆଜମ ।
ଏହା ମଧ୍ୟ ପଢନ୍ତୁ-World Cup 2023: ଆହତରୁ ମୁକୁଳିବା କଷ୍ଟଦାୟକ ସମୟ ଥିଲା କହିଲେ ରାହୁଲ
ସ୍ପୋର୍ଟସ ଚ୍ୟାନେଲ ସହ କଥାବାର୍ତ୍ତା ସମୟରେ ବାବର କହିଥିଲେ ଯେ, ବିରାଟ କୋହଲି, ରୋହିତ ଶର୍ମା ଏବଂ କେନ୍ ୱିଲିୟମସନ୍ ମୋର ପ୍ରିୟ ଖେଳାଳି । ଏହି ତିନିଜଣ ଦୁନିଆର ସବୁଠାରୁ ସର୍ବଶ୍ରେଷ୍ଠ ଖେଳାଳି । ସେମାନେ ମ୍ୟାଚ୍ ପରିସ୍ଥିତିକୁ ବହୁତ ଭଲ ଭାବରେ ବୁଝନ୍ତି । କଠିନ ପରିସ୍ଥିତିରୁ କିପରି ନିଜ ଟିମକୁ ବାହାର କରିବାକୁ ପଡ଼େ ଓ କିପରି ଭଲ ରନ୍ କରାଯାଇପାରିବ ତାହା ସେମାନଙ୍କୁ ଜଣା । ପୂର୍ବରୁ ବିରାଟ କୋହଲିଙ୍କୁ ନିଜର ଫେବରେଟ୍ ପ୍ଲେୟାର କହୁଥିଲେ ବାବର । ଏବେ ଆଉ ଦୁଇ ଜଣଙ୍କ ନାଁ ଜୋଡ଼ି ହୋଇଯାଇଛି ।