ଧର୍ମଶାଳା:ଧର୍ମଗୁରୁ ଦଲାଇ ଲାମାଙ୍କୁ ଭେଟିଛନ୍ତି ନ୍ୟୁଜିଲାଣ୍ଡ କ୍ରିକେଟ ଦଳର ଖେଳାଳି । ଧର୍ମଶାଳାରେ ଦଲାଇ ଲାମାଙ୍କ ବାସଭବନ ଯାଇ ପରିବାର ସହ ତାଙ୍କୁ ସାକ୍ଷାତ କରିଛନ୍ତି ନ୍ୟୁଜିଲାଣ୍ଡ କ୍ରିକେଟ ଦଳର ପ୍ଲେୟାର । ଏହି ଦଳରେ ପେସ ବୋଲର ଟ୍ରେଣ୍ଟ ବୋଲ୍ଟ, ଅଧିନାୟକ କେନ ୱିଲିୟନସନ, ରବୀନ୍ଦ୍ର ରାଚିନ, ଟମ ଲାଥମ, ଲକି ଫର୍ଗୁସନ ମିଚେଲ ସାଣ୍ଟନର ଧର୍ମଗୁରୁ ଦଲାଇ ଲାମାଙ୍କୁ ଭେଟିଛନ୍ତି ।
ଅକ୍ଚୋବର 22 ରେ ଧର୍ମଶାଳା ଭାରତ ବିପକ୍ଷରେ ଖେଳାଯାଇଥିବା ମ୍ୟାଚରେ ପରାସ୍ତ ହୋଇଥିଲା କିୱିଦଳ । 4 ୱିକେଟରେ ନ୍ୟୁଜିଲାଣ୍ଡକୁ ମାତ ଦେଇଥିଲା ରୋହିତ ସେନା । ଆସନ୍ତା ଅକ୍ଟୋବର 28 ତାରିଖରେ 5 ଥର ବିଶ୍ବ ବିଜୟୀ ଅଷ୍ଟ୍ରେଲିଆକୁ ଏହି ଗ୍ରାଉଣ୍ଡରେ ଭେଟିବ ନ୍ୟୁଜିଲାଣ୍ଡ । ଦଳ ଏଯାବତ 5ଟି ମ୍ୟାଚ ଖେଳି 4ଟିରେ ବିଜୟ ହାସଲ କରିଛି । ପଏଣ୍ଟ ଟେବୁଲ ଦ୍ବିତୀୟ ସ୍ଥାନରେ ରହିଛି କ୍ବିୱି ଦଳ । ହିମାଚଳ ପ୍ରଦେଶର ପ୍ରାକୃତିକ ସୌନ୍ଦର୍ଯ୍ୟ ସର୍ବଦା ବିଦେଶୀ ଖେଳାଳିଙ୍କୁ ଆକୃଷ୍ଟ କରିଛି । ସ୍ଥାନୀୟ ସଂସ୍କୃତିକ ପରମ୍ପରା ହିମାଚଳ ଗାଡି ନାଟି ବିଦେଶୀ ଖେଳାଳିଙ୍କ ମନ ମୋହିଛି । ଏହା ପର୍ବରୁ ନେଦରଲାଣ୍ଡ ଓ ଦକ୍ଷିଣ ଆଫ୍ରିକା ଦଳ ମଧ୍ୟ ହିମାଚଳର ପ୍ରାକୃତିକ ସୌନ୍ଦର୍ଯ୍ୟକୁ ଉପଭୋଗ କରିଥିବା ଦେଖିବାକୁ ମିଳିଥିଲା । ଚଳିତ ବିଶ୍ବକପ ସଂସ୍କରଣରେ ନ୍ୟୁଜିଲାଣ୍ଡ ଇଂଲଣ୍ଡ, ଆଫଗାନିସ୍ତାନ, ନେଦରଲାଣ୍ଡସ ଓ ବାଂଲଦେଶକୁ ହରାଇ ସାରିଛି ।