କୋଲକାତା: କ୍ରିକେଟ୍ ମହାକମ୍ଭ ବିଶ୍ବକପ 2023 । ମୈଦାନରେ ଦୁଇ ଟପ୍ ଟିମ୍ ମଧ୍ୟରେ ଆରମ୍ଭ ହୋଇଛି ମୁକାବିଲା । କୋଲକାତାର ଇଡେନ୍ଗାର୍ଡେନରେ ମୁହାଁମୁହିଁ ହୋଇଛନ୍ତି ଅପରାଜେୟ ଭାରତ ଓ ଟେବୁଲ ଦ୍ବିତୀୟ ସ୍ଥାନରେ ରହିଥିବା ଦକ୍ଷିଣ ଆଫ୍ରିକା । ଟସ୍ ଜିତି ପ୍ରଥମେ ବ୍ୟାଟିଂ ନିଷ୍ପତ୍ତି ନେଇଛନ୍ତି ଅଧିନାୟକ ରୋହିତ ଶର୍ମା । ପ୍ରଥମେ ବୋଲିଂ କରିବ ଦକ୍ଷିଣ ଆଫ୍ରିକା । ଭାରତୀୟ ଦଳ ତାର ଏକାଦଶରେ କୌଣସି ପରିବର୍ତ୍ତନ କରିନାହିଁ । ଭାରତୀୟ ବୋଲର ଓ ଦକ୍ଷିଣ ଆଫ୍ରିକା ବ୍ୟାଟରଙ୍କ ମଧ୍ୟରେ ଏକ କଡ୍ଡା ଟକ୍କର ହେବ ।
ଏହା ବି ପଢନ୍ତୁ...Cricket World Cup 2023: ଭାରତ ବନାମ ସାଉଥ ଆଫ୍ରିକା ଫାଇଟ, ଶୁଣନ୍ତୁ ଫ୍ୟାନ୍ସଙ୍କ ପ୍ରତିକ୍ରିୟା
ଭାରତ ଏଯାବତ ଅପରାଜେୟ ରହିଛି । ଲଗାତାର ସପ୍ତମ ବିଜୟ ସହ ପ୍ରଥମ ଦଳ ଭାବେ ସେମିଫାଇନାଲରେ ପ୍ରବେଶ କରିଛି । ଅଷ୍ଟ୍ରେଲିଆ, ନ୍ୟୁଜିଲାଣ୍ଡ, ପାକିସ୍ତାନ, ଡିଫେଣ୍ଡିଂ ଚମ୍ପିଆନ୍ ଇଂଲଣ୍ଡ କେହି ବି ରୋହିତ ସେନାକୁ ଅଟକାଇ ପାରିନାହାନ୍ତି । ଆଜି ଦକ୍ଷିଣ ଆଫ୍ରିକାକୁ ମାତ୍ ଦେଇ ବିଜୟଧାରା ବଜାୟ ଲକ୍ଷ୍ୟରେ ରହିଛି ଭାରତ । ଟିମ୍ ଇଣ୍ଡିଆରେ ବୋଲିଂ ବିଭାଗ ଶକ୍ତିଶାଳୀ ରହିଛି । ମହମ୍ମଦ ସାମି ଫୁଲ୍ଫର୍ମରେ ରହିଛନ୍ତି । ସେହିପରି ମହମ୍ମଦ ସିରାଜ ଶ୍ରୀଲଙ୍କା ବିପକ୍ଷରେ ଜବରଦସ୍ତ ବୋଲିଂ କରିଥିଲେ । କୂଳଦୀପ ଯାଦବ, ଜାଡେଜା ମଧ୍ୟ ୱିକେଟ୍ ଶିକାର କରିଛନ୍ତି । ଦକ୍ଷିଣ ଆଫ୍ରିକାକୁ ମାତ୍ ଦେବାକୁ ହେଲେ ଭାରତକୁ ବ୍ୟାଟିଂ ଓ ବୋଲିଂରେ ଭଲ ପ୍ରଦର୍ଶନ କରିବାକୁ ହେବ । ବ୍ୟାଟିଂ ବିଭାଗର ସସମ୍ତ ତ୍ରୁଟି ସୁଧାରି ମୈଦାନକୁ ଓହ୍ଲାଇଛି ଭାରତ । ଶୁଭମନ ଗିଲ୍, ଶ୍ରେୟାସ ଆୟର ଓ ବିରାଟ କୋହଲିଙ୍କ ଉପରେ ନଜର ରହିବ । ଦକ୍ଷିଣ ଆଫ୍ରିକାର ବ୍ୟାଟିଂ ଫର୍ମକୁ ଫେଲ୍ କରିବା ଲକ୍ଷ୍ୟରେ ରହିଛି ରୋହିତ ସେନା ।